საქართველოს აეროპორტების გაერთიანებას, „საქართველოს მთავრობასა და იაპონიის საერთაშორისო თანამშრომლობის სააგენტოს (JICA) შორის „მზის ელექტროენერგიის გამომუშავების სისტემის მეშვეობით სუფთა ენერგიის დანერგვის პროექტის“ ფარგლებში 2 ერთეული PRIUS PLUGIN 1.8PV გადმოეცა. აღნიშნულის შესახებ ინფორმაციას აეროპორტების გაერთიანება ავრცელებს.

უწყების ცნობით, ეკომეგობრული ავტომობილები თბილისისა და ქუთაისის საერთაშორისო აეროპორტების ოპერირებას მოხმარდება. ავტომობილების გადაცემის ცერემონიალი თბილისის საერთაშორისო აეროპორტის ტერიტორიაზე გაიმართა, რომელიც, ასევე, იაპონიის საერთაშორისო თანამშრომლობის სააგენტოს (JICA) დახმარებით მზის პანელებითაა აღჭურვილი.

,,მსურს მადლობა გადავუხადო იაპონელ ხალხს და საქართველოში იაპონიის საელჩოს იმ მხარდაჭერისთვის, რომელსაც ჩვენ მუდმივად ვგრძნობთ მათგან. დღეს გადმოგვეცა 2 ელექტრომობილი, რომელიც არის JAICA-ს განახლებადი ენერგიის წარმოების პროექტის გაგრძელება. თბილისის საერთაშორისო აეროპორტი სწორედ იაპონიის დახმარებით მარაგდება განახლებადი ელექტროენერგიით. ელექტრომობილებს ჩვენ გამოვიყენებთ აეროპორტების ოპერირების საჭიროებისთვის. მათ შორის გავაგზავნით ქუთაისის საერთაშორისო აეროპორტში. სურვილი გვაქვს, რომ ქუთაისის საერთაშორისო აეროპორტი ეტაპობრივად გადავიდეს განახლებად ენერგიაზე,-‘’განაცხადა ირაკლი ქარქაშაძემ. 

მათივე ცნობით, პროექტი ქვეყანაში გარემოს დაცვას ემსახურება და მისი სრულყოფაში მოყვანით საქართველოს საავიაციო ინდუსტრია ევროპულ სტანდარტებს დაუახლოვდება. ღონისძიებას თბილისის საერთაშორისო აეროპორტში ეკონომიკისა და მდგრადი განვითარების მინისტრის მოადგილე მარიამ ქვრივიშვილი, საქართველოს აეროპორტების გაერთიანების დირექტორი ირაკლი ქარქაშაძე, ტავ ჯორჯიას გენერალური მენეჯერი თეა ზაქარაძე, იაპონიის ელჩი საქართველოში იმამურა აკირა და ილიას სახელმწიფო უნივერსიტეტის პროფესორი კახა ქარჩხაძე ესწრებოდნენ. ილიას სახელმწიფო უნივერსიტეტი  „მზის ელექტროენერგიის გამომუშავების სისტემის მეშვეობით სუფთა ენერგიის დანერგვის პროექტის’’ ერთ-ერთი ბენეფიციარია და Jaica-სგან ერთი ერთეული PRIUS PLUGIN 1.8PV  გადაეცა. 

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს