აჭარის ჯანმრთელობისა და სოციალური დაცვის სამინისტრომ, მიმდინარე წელს, პირველად დაიწყო ალკოჰოლის მიღებით გამოწვეული ფსიქიკური და ქცევითი აშლილობების სტაციონარული მომსახურების დაფინანსება. სერვისი “მოსახლეობის ინდივიდუალური სამედიცინო დახმარების” პროგრამის ფარგლებში ხორციელდება, ბენეფიციარებს წარმოადგენენ ალკოჰოლის მიღებით გამოწვეული ფსიქიკური და ქცევითი აშლილობების მქონე მოქალაქეები.

პროგრამის მიზანია, პაციენტებისათვის შესაბამისი სტაციონარული სამედიცინო სერვისების მიწოდება, ალკოჰოლის მიღებით გამოწვეული ჯანმრთელობის ზიანის შემცირება და გეოგრაფიული ხელმისაწვდომობის გაზრდა.

პროგრამის მიმდინარეობის პროცესს, აჭარის ჯანმრთელობისა და სოციალური დაცვის მინისტრის პირველი მოადგილე, მარი ზანაქიძე “ბათუმის სამედიცინო ცენტრში - BMS” გაეცნო.

“მოსახლეობის მომართვიანობისა და სპეციალისტების რეკომენდაციით, მიმდინარე წელს აჭარის ჯანდაცვის სამინისტრომ დაიწყო ალკოჰოლის მიღებით გამოწვეული ფსიქიკური და ქცევითი აშლილობების სტაციონარული მომსახურების დაფინანსება. ამ ეტაპზე პროგრამით უკვე ისარგებლა ათმა ბენეფიციარმა.  სამი პაციენტი მკურნალობის კურსს ამჟამად გადის. პროგრამა წლის ბოლომდე გაგრძელდება და წარმოადგენს სახელმწიფო პროგრამის ანალოგს აჭარაში“ - აღნიშნა მინისტრის პირველმა მოადგილემ, მარი ზანაქიძემ.

აღნიშნული პროგრამის ფარგლებში, პაციენტებს სტაციონარული მკურნალობა უფინანსდებათ სრულად. პროგრამა ვაუჩერული მეთოდით ხორციელდება. ასევე, პაციენტს აქვს სამედიცინო დაწესებულების თავისუფალი არჩევანის უფლება. მოსარგებლე ვაუჩერის გაცემის პერიოდისათვის, ერთი წლის განმავლობაში უწყვეტად უნდა იყოს რეგისტრირებული აჭარის ავტონომიური რესპუბლიკის ტერიტორიაზე.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს