უკრაინის პრეზიდენტმა, ვოლოდიმირ ზელენსკიმ ვიქტორ იანუკოვიჩის პერიოდის პოლიტიკოსებს, რომლებსაც რუსეთის მოქალაქეობა აქვთ, უკრაინის მოქალაქეობა ჩამოართვა. ამის შესახებ ფრაქცია "ხალხის მსახურის" ხელმძღვანელმა, დავით არახამიამ Telegram-ზე დაწერა.

არახამიას განცხადებით, ზელენსკიმ ჩამოართვა უკრაინის მოქალაქეობა მოღალატეებს, რომლებიც იანუკოვიჩის რეჟიმის საყრდენს წარმოადგენდნენ.

„მომდევნო ნაბიჯი იქნება მათ წინააღმდეგ სანქციების დაწესება, მათი მთელი ქონების, კორპორაციული უფლებებისა და სხვა აქტივების დაყადაღება და სახელმწიფოს სასარგებლოდ კონფისკაცია“, - აცხადებს დავით არახამია.

იმ პირებს შორის, ვისაც მოქალაქეობა ჩამოერთვათ, არიან: ეროვნული უსაფრთხოებისა და თავდაცვის საბჭოს ყოფილი მდივანი ანდრეი კლიუევი, განათლების ყოფილი მინისტრი დიმიტრი ტაბაჩნიკი, შემოსავლების ყოფილი მინისტრი ალექსანდრე კლიმენკო, შინაგან საქმეთა სამინისტროს ყოფილი ხელმძღვანელი ვიტალი ზახარჩენკო, SBU-ს ყოფილი ხელმძღვანელი ალექსანდრე იაკიმენკო, ოდესის საქალაქო საბჭოს დეპუტატი, პარტიის „ოპოზიციური პლატფორმა სიცოცხლისთვის“ წევრი ვიქტორ ბარანსკი და სხვები.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად