აჭარის ჯანდაცვის სამინისტროს ახალი პროგრამებით სრულად დაფინანსდება ავთვისებიანი სიმსივნის მკურნალობა, გაიზარდა ძვლის ტვინის და გულის ტრანსპლანტაციის დაფინანსება

აჭარის მთავრობის თავმჯდომარემ მთავრობის სხდომაზე ისაუბრა ჯანდაცვის მიმართულებით დაგეგმილ პროგრამებზე.

2023 წელს აჭარის ჯანდაცვის  სამინისტროს ბიუჯეტი თითქმის 4 მილიონი ლარით გაიზარდა და 33 235 000  ლარს შეადგენს.

,,განსაკუთრებით, მინდა აღვნიშნო სიახლეები, რომლებიც წელს დაინერგა ჯანდაცვის სამინისტროს მხრიდან. უკვე ამოქმედდა პროგრამა, რომლის ფარგლებში შეზღუდული შესაძლებლობების მშობელი და ორსული მიიღებს ერთჯერადად მატერიალურ დახმარებას. არაერთი მნიშვნელოვანი სიახლე დაინერგა როგორც თვალის ბადურას მძიმე დაავადებების შემთხვევაში,  ასევე ალკოჰოლდამოკიდებული, ნარკოდამოკიდებული პირების მიმართ.  მიმდინარე წელს  გაიზარდა გულის ტრანსპლანტაციის დაფინანსება.  2022 წლის პირველი ნოემბრიდან სრულად ფინანსდება ონკოდაავადებების მკურნალობა. მთავარ პრიორიტეტულ მიმართულებად სოციალური პროგრამები რჩება" - განაცხადა თორნიკე რიჟვაძემ.

გრძელდება უკვე არსებული პროგრამების განხორციელება და ამოქმედდა რიგი ახალი პროგრამები. მათ შორის, შეზღუდული შესაძლებლობის სტატუსის მქონე მშობელთა და ორსულთა ერთჯერადი მატერიალური დახმარება 2000 ლარის ოდენობით, თვალის ბადურას მძიმე დაავადებების მქონე  მოქალაქეების მკურნალობის დაფინანსება,  ალკოჰოლის მიღებით გამოწვეული ფსიქიკური და ქცევითი აშლილობების სტაციონარული მომსახურების დაფინანსება.

გაიზარდა ძვლის ტვინის ტრანსპლანტაციის და გულის ტრანსპლანტაციის დაფინანსება. სრულად ფინანსდება ავთვისებიანი სიმსივნის მკურნალობა. 2023 წლიდან გაიზარდა სიმსივნური  მედიკამენტების ნუსხა და წლიური ლიმიტი, ასევე, თითოეულ მომართვაზე დასაფინანსებელი თანხის ოდენობა და  კომპიუტერული ტომოგრაფიული (PET/CT) კვლევის დაფინანსება.

დაფინანსება იზრდება როგორც ძვირადღირებული მედიკამენტოზური მკურნალობის, ასევე ეკომიგრანტი ოჯახების საცხოვრებლით უზრუნველყოფის პროგრამის ფარგლებში.

სოციალური პროგრამების ფარგლებში, გაიზარდა როგორც ბიუჯეტი, ასევე  ბენეფიციართა რაოდენობა. ამოქმედდა რიგი  ახალი პროგრამები საზოგადოებრივი ჯანდაცვის მიმართულებით.

ავტორი: NS (სტატია დაფინანსებულია),

სოციალური ქსელები

ღარიბაშვილი - თუ იმ დროისთვის, როცა ქვეყანა იქნება მზად, გახდეს ევროკავშირის წევრი, ძალიან მარტივად შეიძლება ამ კანონის გაუქმება

ღარიბაშვილი - გამჭირვალობას ვინც ეწინააღმდეგება, არაფერი აქვს საერთო დემოკრატიასთან

უკრაინაში სამხედრო დახმარებისთვის, სლოვაკეთის მოქალაქეებმა ორ მილიონ ევროზე მეტი შეაგროვეს

EBA - კანონპროექტი შეიცავს უცხოელი ინვესტორების მიმართ ნეგატიური სტერეოტიპების გამყარების და ინვესტიციების შემცირების რისკს