10:43 - 09 Feb, 2023
რეკლამა/ხელმოწერა
2022-11-25 13:54:54, 503 ნახვა

რეგიონი
აჭარის ჯანდაცვის სამინისტროს ორგანიზებით, შეზღუდული შესაძლებლობის მქონე პირთა უფლებებზე მომუშავე ორგანიზაციებთან და მშობლებთან საინფორმაციო შეხვედრა გაიმართა

აჭარის ჯანმრთელობისა და სოციალური დაცვის სამინისტროს ორგანიზებით, შეზღუდული შესაძლებლობის მქონე პირთა უფლებებზე მომუშავე არასამთავრობო ორგანიზაციებისა და სარეაბილიტაციო ცენტრების წარმომადგენლებთან, ასევე შშმ სტატუსის მქონე ბავშვების მშობლებთან საინფორმაციო შეხვედრა გაიმართა.

შეხვედრას მინისტრი ნინო ნიჟარაძე, უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე ილია ვერძაძე, ბათუმის მერის მოადგილე ლელა სურმანიძე და სამინისტროს წარმომადგენლები ესწრებოდნენ.

სოციალური დაცვის დეპარტამენტის უფროსმა ინდირა ნაკაიძემ 2023 წლის სარეაბილიტაციო პროგრამებში დაგეგმილ ცვლილებებსა და ახალ პროგრამებზე ისაუბრა.

„მომავალ წელს სამინისტრო გეგმავს ახალი პროგრამის ამოქმედებას, რომელიც სწორედ ამ მიმართულებით მომუშავე არასამთავრობო ორგანიზაციების რეკომენდაციების საფუძველზე შემუშავდა. ახალი პროგრამის ფარგლებში გათვალისწინებულია ერთჯერადი მატერიალური დახმარების გაცემა 2 000 ლარის ოდენობით ერთ წლამდე ასაკის ბავშვის შშმ სტატუსის მქონე მშობელზე და შშმ სტატუსის მქონე ორსულ ქალებზე. ყველა პროგრამა მომდევნო წელშიც გაგრძელდება, იზრდება როგორც მათი დაფინანსების მოცულობა ისე მოსარგებლეთა რაოდენობა“, - აღნიშნა ინდირა ნაკაიძემ.

შეხვედრაზე, ბათუმის განათლების განვითარების და დასაქმების ცენტრის დირექტორმა მაია ქათამაძემ, აუდიტორიას პრეზენტაციის სახით წარუდგინა პროექტი - ,,მე მაქვს უფლება ... დამხმარე ტექნოლოგიები შეზღუდული შესაძლებლობის მქონე პირების სამსახურში, მათი დამოუკიდებელი ცხოვრების, უკეთესი განათლების, შრომისა და დასაქმების ხელშესაწყობად“.

პროექტის მიზანია, კანონის იმპლემენტაციის ფარგლებში დამხმარე ტექნოლოგიების დანერგვის აუცილებლობის გამოკვეთა ადგილობრივ პროგრამებში და სარეაბილიტაციო ცენტრების საქმიანობაში. 

პრეზენტაციის დასასრულს გაიმართა დისკუსია, რომელშიც მონაწილეობას იღებდნენ სპეციალისტები, მშობლები, არასამთავრობო სექტორისა და სამინისტროს წარმომადგენლები.








ავტორი: NS (სტატია დაფინანსებულია),


სოციალური ქსელები
უკრაინის გენშტაბი - საომარი მოქმედებების დაწყებიდან დღემდე, უკრაინაში 135 010-მდე რუსი ჯარისკაცი მოკლეს
თურქეთში ქართველმა მაშველებმა კიდევ ერთი ადამიანი გადაარჩინეს
გარემოსდაცვითი ზედამხედველობის დეპარტამენტის თანამშრომლებმა იანვარში უკანონო ტყითსარგებლობის 269 ფაქტი გამოავლინეს
თურქეთსა და სირიაში მიწისძვრის შედეგად დაღუპულთა რიცხვი 15 000-მდე გაიზარდა

ომი უკრაინაში

ვიდეო/LIVE

ლავროვი: დასავლეთის ზეწოლის წინააღმდეგ საქართველოს მთავრობის გამბედაობა პატივსაცემია












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics