21:52 - 31 Jan, 2023
რეკლამა/ხელმოწერა
2022-11-24 12:01:54, 371 ნახვა

პოლიტიკა
ღუდუშაური - ქვეყანა რომ იყოს მიჩნეული ტერორიზმის მხარდამჭერად, ამას ევროპარლამენტი არ ადგენს

ზოგადად, ქვეყანა რომ იყოს მიჩნეული ტერორიზმის მხარდამჭერად, ან ვინმე გამოცხადდეს ტერორისტად, ამას ევროპარლამენტი არ ადგენს, ამას ადგენს შესაბამისი უწყება, მაგალითად ჰააგა და შესაბამისი სასამართლოები, - ასე ეხმაურება "ქართული ოცნების" დეპუტატი, ალუდა ღუდუშაური ევროპარლამენტის მიერ მიღებულ რეზოლუციას, რომელიც რუსეთს ტერორიზმის სპონსორ სახელმწიფოდ აღიარებს.

როგორც ღუდუშაურმა ჟურნალისტებს უთხრა, საქართველომ სწორედ ჰააგის სასამართლოს მიმართა და მოიპოვა აღიარება, რომ რუსეთმა საქართველოს წინაშე დანაშაული ჩაიდინა.

"თუ გაინტერესებთ, ჩვენ რა გავაკეთეთ, იცოდეთ, დაიმახსოვრეთ კარგად და საზოგადოებას აუხსენით - ჩვენ გავაკეთეთ ის, რომ ჰააგას მივმართეთ. ჩვენ დღესაც გვაქვს რუსეთთან დავა და ჩვენი კონკრეტული ქმედების შედეგად, საერთაშორისო ასპარეზზე სასამართლოს ძალით მოვიპოვეთ ის, რომ აღიარებულ იქნა - დიახ, რუსეთმა საქართველოსთან მიმართებაში ჩაიდინა დანაშაული. ამაზე მეტი სხვა დანარჩენი არის მეორე და მესამეხარისხოვანი", - განაცხადა ალუდა ღუდუშაურმა.

შეგახსენებთ, გუშინ, 23 ნოემბერს ევროპარლამენტის წევრებმა სტრასბურგში პლენარულ სესიაზე მიიღეს რეზოლუცია, რომელიც რუსეთს ტერორიზმის სპონსორ სახელმწიფოდ აღიარებს.

რეზოლუციას მხარი 494-მა დეპუტატმა დაუჭირა, წინააღმდეგი იყო 58, ხოლო 44-მა თავი შეიკავა.




ავტორი: ექსპრესნიუსი,


სოციალური ქსელები
რუსეთის პროკურატურამ ჟურნალისტ ნევზოროვისთვის 9 წლით სასჯელი მოსთხოვა
კულტურის სამინისტრო გელათზე - კვლევითი ცენტრის მეცნიერთა ვიწრო ჯგუფი პოლიტიკურ ნიადაგზე უპირისპირდება სამინისტროს
ირანის სასამართლომ ახალგაზრდა წყვილს ქუჩის ცეკვისთვის 10,5 წლით თავისუფლების აღკვეთა მიუსაჯა
Transparency International - უნგრეთი ევროკავშირში ყველაზე კორუმპირებული ქვეყანაა

ომი უკრაინაში

ვიდეო/LIVE

ლავროვი: დასავლეთის ზეწოლის წინააღმდეგ საქართველოს მთავრობის გამბედაობა პატივსაცემია












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics