საქართველო გარდაუვლად დაუბრუნდება თავისუფალი სამყაროსკენ მიმავალ გზას, - პარტია „გირჩი მეტი თავისუფლება“ „ვარდების რევოლუციის“ 19 წლისთავთან დაკავშირებით განცხადებას ავრცელებს.

როგორც სოციალურ ქსელში გამოქვეყნებულ განცხადებაშია აღნიშნული, ამ დღის მთავარი შემოქმედი დღეს პოლიტიკური დევნის მსხვერპლია, ხოლო" ნაძირლები, მკვლელები, მატყუარები, თავხედები, მექრთამეები და მედროვეები ძალაუფლების ზენიტში არიან".

"გისურვებთ იმ რწმენის დაბრუნებას, რა რწმენითაც 19 წლის წინ დავიწყეთ ჭაობიდან ამოსვლა - რომ ჩვენც შეგვიძლია წარმატებული და ღირსების მქონე ქვეყნის აშენება!

ის, რომ ამ დღის მთავარი შემოქმედი დღეს პოლიტიკური დევნის მსხვერპლია, ხოლო ნაძირლები, მკვლელები, მატყუარები, თავხედები, მექრთამეები და მედროვეები ძალაუფლების ზენიტში არიან, დროებითია.

საქართველო გარდაუვლად დაუბრუნდება თავისუფალი სამყაროსკენ მიმავალ გზას!

დიდება საქართველოს! 
დიდება უკრაინას!
ძირს რუსეთის დამპალი იმპერია!",- წერია განცხადებაში. 

ცნობისთვის, „ვარდების რევოლუციიდან“ 19 წელი გავიდა. დღეს აქტვისტები, მიხეილ სააკაშვილის განთავისუფლებისა და რუსული რეჟიმის დასრულების მოთხოვნით, თბილისსა და ბათუმში აქციას გამართავენ. 

აქციის ორგანიზატორი „მიხეილ სააკაშვილის თავისუფლების საზოგადოებრივი კომიტეტია". სოციალურ მედიაში გამოქვეყნებული ინფორმაციის თანახმად, ისინი თბილისში პარლამენტის წინ და ბათუმში ერას მოედანზე შეიკრიბებიან. 

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ