რუსეთის სახელმწიფო დუმამ ოკუპირებული აფხაზეთის 2022-2025 წლების სოციალურ-ეკონომიკური განვითარების სახელმწიფო ხელშეწყობის შესახებ შეთანხმების რატიფიცირება მოახდინა,- აღნიშნულის შესახებ ინფორმაციას რუსეთის სამთავრობო მედია ავრცელებს.

მედიის ცნობით, მინისტრთა კაბინეტმა დოკუმენტი რატიფიკაციისთვის 10 ნოემბერს წარადგინა, ხოლო შეთანხმებას მხარეებმა 4 აგვისტოს მოაწერეს ხელი.

თავად დოკუმენტი რუსეთის მიერ ოკუპირებული აფხაზეთის სოციალური და ეკონომიკური განვითარების სახელმწიფო პროგრამის განხორციელების ფინანსური დახმარების საკითხებს არეგულირებს და მიხნად ისახავს ალიანსისა და სტრატეგიული პარტნიორობის შესახებ შეთანხმების დადებისას მხარეთა მიერ ნაკისრი საერთაშორისო ვალდებულებების შესრულებას.

ამასთან, როგორც მედია განმარტს, საუბარი არ არის თავდაცვის, უსაფრთხოებისა და სამართალდამცავ სფეროებში ვალდებულებებზე.

ხელშეკრულება ასევე განსაზღვრავს მხარეთა უფლებამოსილ ორგანოებს „აფხაზეთის სოციალურ-ეკონომიკური განვითარების სახელმწიფო პროგრამის განხორციელებაში ურთიერთქმედებისა და დახმარების საკითხებზე”.

გარდა ამისა, ხელშეკრულება განსაზღვრავს რუსეთის მიერ სახელმწიფო პროგრამის ფარგლებში აქტივობების თანადაფინანსების პროცედურასა და პირობებს, ასევე საკონტროლო ზომებს და პასუხისმგებლობას დაფინანსების პირობების შეუსრულებლობისა და სახელმწიფო პროგრამული აქტივობების განხორციელების ძირითადი მიზნობრივი ინდიკატორების შეუსრულებლობისთვის.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ