პოლონეთს ეჭვი არ ეპარება, რომ 2008 წელს საქართველო და 2014 წელს ყირიმის ნახევარკუნძული იყო ახალი ეპოქის დასაწყისი ჩვენს ისტორიაში, - ამის შესახებ პოლონეთის პრემიერ-მინისტრმა, მატეუშ მორავეცკიმ ბრიფინგზე განაცხადა. 

როგორც მორავეცკიმ ფინელ კოლეგა, სანა მარინთან შეხვედრისას აღნიშნა, ფინეთი და პოლონეთი გეგმავს, რომ  რუსეთის საზღვართან ბარიერი ააშენონ. 

"პოლონეთს ეჭვი არ ეპარება, რომ 2008 წელს საქართველო და 2014 წელს ყირიმის ნახევარკუნძული იყო ახალი ეპოქის დასაწყისი ჩვენს ისტორიაში, ეჭვი არ გვეპარებოდა, რომ რუსული გაზი ისეთივე საშიშია, როგორც რუსული ტანკები.

რუსეთის ქმედებებსა და საფრთხეებს ჩვენი ქვეყანა წინ აღუდგება. პოლონეთმა კედელი ააშენა ბელარუსის საზღვარზე და ჩვენ ვაპირებთ ავაშენოთ ბარიერი რუსეთის საზღვართან, კალინიან გრადის რეგიონში და ვიცი, რომ ფინეთი ასევე ფიქრობს გარკვეულ ბარიერებზე. ზოგიერთი კედელი რუსეთთან, ასევე პოლიტიკური კლასის დონე ჩანს საფრთხის მომენტში, კრიზისის მომენტში, ამიტომ არის ასე მნიშვნელოვანი, როგორ რეაგირებს ევროკავშირი იმაზე, რაც ხდება უკრაინაში. ჩვენი საზღვრის უსაფრთხოება არ არის ადგილობრივი საკითხი, მას აქვს გლობალური განზომილება. ნატო არის ყველაზე ძლიერი თავდაცვის ალიანსი ისტორიაში, მაგრამ სიძლიერე ეყრდნობა ყველა სახელმწიფოს ძალასა და სოლიდარობას და ამიტომაა ეს ასე მნიშვნელოვანი, რომ შვედეთი და ფინეთი სწრაფად გაწევრიანდებიან ნატოში.

რუსებს სურთ უკრაინელების გატეხვა. ჩვენ უნდა დავიცვათ თავი და მოვერიდოთ რუსეთის საფრთხეებს და სისასტიკეს. როდესაც ჩვენ ვართ გაერთიანებული და ორიენტირებულები მთავარ გეოპოლიტიკურ რისკებზე და საფრთხეებზე, ჩვენ უფრო ძლიერები ვიქნებთ და უფრო უსაფრთხოდ ვიგრძნობთ თავს",- განაცხადა მორავეცკიმ. 

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ