დიდი ბრიტანეთის ხელისუფლებამ, უსაფრთხოების მიზეზების გამო, 2022 წელს 100-ზე მეტ რუსი დიპლომატისთვის ვიზის გაცემაზე უარი განაცხადა. - ამის შესახებ ბრიტანეთის კონტრდაზვერვის სამსახურის ხელმძღვანელმა, კენ მაკკალუმმა განაცხადა.

მისივე თქმით, მიმდინარე წელს ევროპულმა ქვეყნებმა გააძევეს რუსეთის ხელისუფლების 600-მდე წარმომადგენელი.

"დიდი ბრიტანეთის ხელისუფლებამ, უსაფრთხოების მიზეზების გამო, 2022 წელს 100-ზე მეტ რუსი დიპლომატისთვის ვიზის გაცემაზე უარი განაცხადა, წელს ევროპულმა ქვეყნებმა გააძევეს რუსეთის ხელისუფლების 600-მდე წარმომადგენელი, რომელთაგან უმეტესობა, სავარაუდოდ, რუსეთის სპეცსამსახურებში მუშაობდა". - ნათქვამია განცხადებაში.

შეგახსენებთ, რომ 15 ნოემბერს, უკრაინის ტერიტორიაზე მიმდინარე მასიური სარაკეტო თავდასხმისას, პოლონეთში 2 რუსული რაკეტა ჩამოვარდა, რის შედეგადაც ორი ადამიანი დაიღუპა. შემთხვევა უკრაინის საზღვრიდან 65 კილომეტრში მდებარე ფერმაში მოხდა.

პოლონეთის საგარეო საქმეთა სამინისტრომ დაადასტურა ქვეყნის ტერიტორიაზე რუსული რაკეტის ჩამოვარდნა და გამოიძახა რუსეთის ფედერაციის ელჩი. ამავე დროს, პოლონეთის პრეზიდენტმა დუდამ განაცხადა, რომ ამჟამად არ არსებობს „დამაჯერებელი მტკიცებულება იმის შესახებ, თუ ვინ გაუშვა ეს რაკეტა“.

რუსეთის ფედერაციის თავდაცვის სამინისტრო ტრადიციულად უარყოფს თავდასხმაში მონაწილეობას.

პოლონეთის მოთხოვნით, ნატო-ს ელჩები, 16 ნოემბერს, ალიანსის მე-4 მუხლის საფუძველზე, შეხვდრას გამართავენ.

ავტორი: ექსპრესნიუსი,

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა