აჭარის დასაქმების სააგენტოს პროგრამის - ,,დასაქმების ხელშეწყობა პროფესიული მომზადება/გადამზადების გზით’’ ფარგლებში, წარჩინებულ კურსდამთავრებულთა დაჯილდოვების ცერემონიალი გაიმართა.

ცერემონიალს აჭარის ჯანმრთელობისა და სოციალური დაცვის მინისტრის მოადგილე ზურაბ თენიეშვილი, აჭარის სოფლის მეურნეობის მინისტრის მოადგილე ირმა აფხაზავა, აჭარის უმაღლესი საბჭოს ჯანმრთელობისა და სოციალურ საკითხთა კომიტეტის თავმჯდომარე ილია ვერძაძე, ქალაქ ბათუმის მუნიციპალიტეტის მერის მოადგილე ლელა სურმანიძე და მოწვეული სტუმრები ესწრებოდნენ.

ღონისძიება სააგენტოს ორგანიზებით, ქობულეთის პროფესიულ კოლეჯ ,,ახალი ტალღა"-ში გაიმართა. არსებული პროფესიების ინფო ტურის ფარგლებში, კურსდამთავრებულებმა მოწვეული სტუმრებისთვის მოახდინეს პროფესიული უნარების დემონსტრირება, ასევე სხვადასხვა სიმულაციურ, პრაქტიკულ აქტივობაში მათი ჩართვა.

ღონისძიების დასასრულს, პროგრამით მოსარგებლეებს გადაეცათ კვალიფიკაციის დამადასტურებელი ორენოვანი სერტიფიკატი და ასევე, წარმატებულ კურსდამთავრებულები დაჯილდოვდნენ ფასიანი საჩუქრებით.

პროგრამა ითვალისწინებს პროფესიული უნარების შეძენის მსურველ სამუშაოს მაძიებელთა მომზადებას შემდეგ პროფესიებში: სასტუმრო მომსახურება, კულინარიის ხელოვნება, ბართენდერი, შედუღება, ელექტროობა, მძიმე სამშენებლო ტექნიკის ოპერატორი, შენობა ნაგებობების ტექნიკოსი-ჰაუსმასტერი.  სწავლება განხორციელდა პროგრამაში ჩართული ტურიზმისა და სამშენებლო სფეროში ოპერირებად კომპანიებთან ერთად, პროგრამისათვის შემუშავებული მოკლევადიანი ინტენსიური სასწავლო მოდულით.

ავტორი: NS (სტატია დაფინანსებულია),

სოციალური ქსელები

„უცხოური გავლენის გამჭვირვალობის შესახებ“ კანონპროექტს 29 აპრილს მე-2 მოსმენით განიხილავენ

ირაკლი ღარიბაშვილი ირანის ელჩს შეხვდა

პრემიერი აქციებზე - კარგი არის ის, რომ ერთ ქვაბში იყრება ყველა, ვინც ერთ ქვაბში ისედაც არის მოთავსებული

კასპში "დაავადებათა ადრეული გამოვლენა და სკრინინგის“ სახელმწიფო პროგრამის „კიბოს სკრინინგის“ კომპონენტის ფარგლებში, უფასო სამედიცინო აქცია დასრულდა