ოთხშაბათს, ვატიკანში მორწმუნეებისადმი ყოველკვირეული გამოსვლისას, რომის პაპმა ფრანცისკემ პირველად ისაუბრა დაქირავებულ მებრძოლებზე, რომელთა სისასტიკით, როგორც მან განაცხადა, იტანჯება უკრაინის მშვიდობიანი მოსახლეობა.

კათოლიკური ეკლესიის მეთაური გამუდმებით მოუწოდებს მსოფლიო ლიდერებს, დაასრულონ სისხლისღვრა და სთხოვს თავის სამწყსოს ილოცონ უკრაინაში მშვიდობისთვის, მაგრამ მისი მოწოდებები, როგორც წესი, უფრო ზოგადია.

რომის პაპმა არ დააკონკრეტა, თუ რა სახის დაქირავებულებს გულისხმობდა, მაგრამ დასავლური პრესა თვლის, რომ, სავარაუდოდ, საუბარია ვაგნერის დაჯგუფებაზე, კერძო სამხედრო კომპანიაზე, რომელსაც ხელმძღვანელობს ევგენი პრიგოჟინი, რომელიც ასევე ასრულებს საეჭვო მისიებს აზიასა და აფრიკაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი ბგამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის