მიხეილ სააკაშვილთან შესვლის შესაძლებლობა აქვს ყველას, ვისაც ეკუთვნის. - ამის შესახებ იუსტიციის მინისტრმა, რატი ბრეგაძემ განაცხადა.

მისივე თქმით, საფუძველს მოკლებულია საუბარი, რომ სააკაშვილთან შესვლაზე ვინმეს რაიმე სახის პრობლემა ექმნება.

„პოლონეთის სეიმის თავმჯდომარის მოადგილე მალგოჟატა გოშევსკა არის პოლიტიკოსი, უცხო ქვეყნის მოქალაქე. საქართველოს კანონმდებლობით, მას პენიტენციურ დაწესებულებაში შესვლის უფლება არ აქვს და ვერ შევიდოდა. რაც შეეხება ფსიქიატრს, ის არის ცენტრ „ემპათიას“ მიერ მოწვეული და აუცილებელი შესაბამისი დოკუმენტაცია თუ ექნება, შევა. მიხეილ სააკაშვილთან არც ერთ ადამიანს, ვისაც ეკუთვნოდა, შესვლის პრობლემა არ ჰქონია. ამ პერიოდის განმავლობაში სააკაშვილს 1 500 ვიზიტორი ჰყავდა. შესაბამისად, საფუძველს მოკლებულია საუბარი, რომ ვინმეს რაიმე სახის პრობლემა ექმნება“. - ნათქვამია განცხადებაში.

ცნობისთვის, საქართველოს მესამე პრეზიდენტის ადვოკატმა, შალვა ხაჭაპურიძემ განაცხადა, რომ მიხეილ სააკაშვილს დემენცია და ტუბერკულოზი დაუდგინდა. დღეს, მიხეილ სააკაშვილის ჯანმრთელობის მდგომარეობის გამოსაკვლევად ბრიტანეთიდან მოწვეული ფსიქიატრი, კორნელიუს კატონა ჩამოვიდა.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის