არსებული გამოწვევების ფონზე, საერთაშორისო სავალუტო ფონდთან პარტნიორობა განსაკუთრებით მნიშვნელოვანია, - განაცხადა ფინანსთა მინისტრმა, ლაშა ხუციშვილმა დღეს, საერთაშორისო სავალუტო ფონდის მისიასთან ერთად გამართულ ბრიფინგზე.

როგორც მან აღნიშნა, საქართველოს მთავრობა ფონდთან მჭიდრო თანამშრომლობით, მუდმივ რეჟიმში აკვირდება ეკონომიკური განვითარების ტენდენციებს.

„როგორც იცით, ჩვენ ამჯერად ვიმყოფებით 2023 წლის ბიუჯეტის პროექტისა და საშუალოვადინი ფისკალური ჩარჩოს შემუშავების პროცესში. შესაბამისად, პროგრამის მიმდინარე მიმოხილვის ფარგლებში, მაკრო-ფისკალური პარამეტრების თაობაზე მნიშვნელოვანია ერთმანეთისთვის ხედვების გაზიარება და პოზიციების შეჯერება. აღსანიშნავია, რომ ფისკალური პარამეტრების კუთხით, ვალის დონე მშპ-სთან მიმართებით უკვე დაუბრუნდა პანდემიამდელ ნიშნულს (40%-ის დაბლა), ხოლო ფისკალური დეფიციტი უბრუნდება ფისკალური წესებით განსაზღვრულ ლიმიტს (2023 წელს 2.8%). ფისკალური პარამეტრების სტაბილურობა განსაკუთრებით მნიშვნელოვანია საშუალოვადიან პერიოდში, მოსალოდნელ გაზრდილ რისკებთან გასამკლავებლად", - განაცხადა ფინანსთა მინისტრმა, ლაშა ხუციშვილმა.

მისი თქმით, საქართველოს ეკონომიკა პოსტ-პანდემიურ პერიოდში მდგრადი აღდგენით ხასიათდება. ასევე, დადებითი ტენდენციებით დაიწყო 2022 წელი. განსაკუთრებით, აღსანიშნავია ტურიზმის ძალიან სწრაფი აღდგენა და ასევე, მნიშვნელოვანი ზრდა ექსპორტის მიმართულებით. უკრაინაში მიმდინარე ომით გამოწვეული გლობალური და რეგიონალური გამოწვევების ფონზე, რუსეთის ფედერაციისთვის დაწესებული სანქციების შედეგად, მოხდა გარკვეული ცვლილებები და სატრანზიტო დერეფნების გადმონაცვლება სამხრეთისკენ, რაც, ბუნებრივია, დადებითად ისახება საქართველოს ეკონომიკაზე.

„აღსანიშნავია, რომ ომის შედეგად გამოწვეული კრიზისის უარყოფით გავლენებს გარკვეულწილად აბალანსებს პოსტ-პანდემიური პერიოდის ძალიან სწრაფი აღდგენა, რამაც დაგეგმილზე სწრაფად გაზარდა ჩვენი ეკონომიკა და საშუალება მოგვცა, რომ მიმდინარე წელს გვქონდეს ორნიშნა ეკონომიკური ზრდა. 2022 წელს ველით ეკონომიკურ ზრდას 10%-ის ფარგლებში და პანდემიით გამოწვეული დანაკლისის სრულ აღდგენას", - აღნიშნა ფინანსთა მინისტრმა, ლაშა ხუციშვილმა.

მისი თქმით, საქართველოს ეკონომიკური ზრდის მაღალი მაჩვენებლების მიუხედავად, რეგიონსა და მსოფლიოში არსებული ეკონომიკური და გეოპოლიტიკური რისკები კვლავ მაღალია და ერთ-ერთ უმნიშვნელოვანეს გამოწვევად რჩება ინფლაცია, მიუხედავად იმისა, რომ შეინიშნება გარკვეული დაღმავალი ტენდენციები.

ავტორი: NS (სტატია დაფინანსებულია),

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის