2022-09-30 15:30:27, 1696 ნახვა

---

აჭარის ჯანდაცვის მინისტრი უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე მოხსენებით წარსდგა

აჭარის ა რ ჯანდაცვის მინისტრი ნინო ნიჟარაძე, უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე მოხსენებით წარსდგა.

მინისტრმა დღის წესრიგით გათვალისწინებული საკითხების შესახებ ინფორმაცია კომიტეტის წევრებს გააცნო. ისაუბრა პირველადი ჯანდაცვის სექტორში არსებული მდგომარეობაზე, გამოწვევებსა და სამომავლო გეგმებზე.

,,პირველადი ჯანდაცვის გამოწვევები პანდემიის დროს უფრო ცხადი გახდა,  სახელმწიფომ აქტიურად დაიწყო მუშაობა  სერვისის თანაბარი ხელმისაწვდომობის დანერგვაზე სოფლად და ქალაქად,  მედიკამენტებით მაქსიმალურ უზრუნველყოფაზე. ქრონიკული დაავადებების მართვის სახელმწიფო პროგრამის ფარგლებში  გულსისხლძარღვთა დაავადებებით, პარკინსონით, ეპილეფსიით, შაქრიანი დიაბეტით, ფილტვის ობსტრუქციული დაავადებით მოავადე პირები  უფასოდ ღებულობენ სამკურნალო მედიკამენტებს.  პარალელურად, მუნიციპალიტეტების დონეზეც მოქმედებს პროგრამები, რომლებიც უშუალოდ ბენეფიციარების საჭიროებებზეა მორგებული“ - აღნიშნა მინისტრმა, ნინო ნიჟარაძემ.

მინისტრმა ასევე ისაუბრა საქართველოს ჯანდაცვის სამინისტროს ახალ პროექტზე, რომელიც ითვალისწინებს სოფლის ამბულატორიების ერთი ქოლგის ქვეშ მოქცევას, ახალი ამბულატორიების მშენებლობას, აღჭურვას, რეაბილიტაციას და ა.შ. ასევე, შეეხო თემის სამედიცინო პუნქტებში მედდებისთვის ხელფასების მატების საკითხსაც, პროგრამა სამომავლოდ კვლავ მუნიციპალიტეტების თვითმმართველობების დაფინანსებით გაგრძელდება.

 სხდომაზე ხაზი გაესვა ტელემედიცინის მნიშვნელობას, რაც სხვადასხვა ვიწრო სპეციალისტის მიერ ონლაინკონსულტაციის შესაძლებლობას იძლევა. აღინიშნა, რომ კვლავ გამოწვევად რჩება პირველადი სამედიცინო დაწესებულებების ინტერნეტიზაციის საკითხი.

კომიტეტის სხდომაზე მეორე საკითხი - კორონავირუსი (COVID-19)  და სეზონური ვირუსების შესახებ ინფორმაცია თანამომხსენებელმა, აჭარის საზოგადოებრივი ჯანდაცვის ცენტრის ხელმძღვანელმა, რუსუდან შავიშვილმა წარადგინა. ცენტრის ხელმძღვანელის ინფორმაციით, ეპიდვითარება რეგიონში მართვადია, ყოველდღიურად კლებადია შემთხვევათა რაოდენობაც. ასევე, 50-დან 100 მდე მერყეობს კოვიდსაწინააღმდეგო აცრების ყოველდღიური მაჩვენებელი.  

რაც შეეხება სეზონურ ვირუსებს, გრიპის საწინააღმდეგო ვაქცინაცია 21 სექტემბრიდან დაიწყო. იმუნიზაციის სახელმწიფო პროგრამის ფარგლებში, საქართველომ, 200 000 დოზა, სანოფი პასტერის წარმოების, ოთხ-კომპონენტიანი ვაქცინა  შეიძინა, რომელიც ერთ-ერთია ჯანმოს მიერ რეკომენდებულ  ვაქცინებს შორის. აჭარაში ამ ეტაპზე მიღებუულია 10 000 დოზა ვაქცინა, რომელთაგან 2500 დოზა უკვე განაწილებიულია ამცრელ დაწესებულებებზე.

სხდომას კომიტეტის თავმჯდომარე ილია ვერძაძე უძღვებოდა. სხდომას ასევე ესწრებოდა მინისტრის პირველი მოადგილე, მარი ზანაქიძე.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი