საგარეო კოსტიუმი მოირგო და ამბობდა ევროკავშირი გვინდა, ამერიკა გვინდაო, - ასე შეაფასა  „ნაციონალური მოძრაობის“ წევრმა რომან გოცირიძემ პრემიერ-მინისტრის სიტყვით გამოსვლისას გაერო-ს ასამბლეაზე. 

მისი თქმით, ირაკლი ღარიბაშვილი რაღაც  "ჭე" კლასის ინდექსით გამოდიოდა და "ტაბახობდა, თითქოს ამერიკას და შვედეთს ვუსწრებთო". 

„ეს იყო წყალ-წყალა საუბარი, სტანდარტული ორი ფრაზა. საგარეო კოსტიუმი მოირგო და ამბობდა ევროკავშირი გვინდა, ამერიკა გვინდაო. მერე ჩამოვა, ამ კოსტიუმს გადაიცვამს მეორე მხრიდან, წითელი კოსტიუმით დაგვიდგება, აქ მჯდარი ოთხეულის სახით და მერე ამერიკას და ევროკავშირს ლანძღავს. მოიყვანა რაღაც "ჭე" კლასის ინდექსი და მსოფლიოში ჩვენ ვართო პირველ ადგილზეო, ამაზე პროვინციული ტრაბახი, როგორ შეილება, რომ რაღაც ინდექსით, თითქოს ამერიკას და შვედეთს ვუსწრებთ!“,- განაცხადა რომან გოცირიძემ.

გაეროს გენერალური ასამბლეის 77-ე სესია 20 სექტემბერს გაიხსნა. მისი დღის წესრიგის უმთავრესი თემაა ომი უკრაინაში. აღსანიშნავია, რომ ასამბლეაზე ასევე სიტყვით გამოვიდა საქართველოს პრემიერ-მინისტრი, ირაკლი ღარიბაშვილი. 

ავტორი: ექსპრესნიუსი,

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა