ჩრდილოეთ კორეის ლიდერმა კიმ ჩენ ინმა განაცხადა, რომ მისი ქვეყანა  „მზადაა მოაბილიზოს“ თავისი ბირთვული შემაკავებელი საშუალებები შეერთებულ შტატებთან და სამხრეთ კორეასთან მომავალ სამხედრო შეტაკებაში.

ფხენიანი ემზადება მეშვიდე ბირთვული გამოცდის ჩასატარებლად, რაც შეერთებული შტატების  შეფასებით "სწრაფ და ძლიერ" პასუხს გამოიწვევს.

„ჩვენი ქვეყნის ბირთვული ომის შემაკავებელი საშუალება მზად არის მოაბილიზოს თავისი აბსოლუტური ძალა  ზუსტად და ოპერატიულად, თავისი მისიის შესაბამისად“,- განაცხადა კიმ ჩენ ინმა.

კიმის მუქარას წინ უძღოდა სამხრეთ კორეისა და შეერთებული შტატების ერთობლივი სამხედრო წვრთნების გააქტიურება, რასაც ფხენიანი  "შეჭრის რეპეტიციას" უწოდებს.აშშ-ს სამხედროებმა 2019 წლის შემდეგ პირველად ჩაატარეს ცეცხლსასროლი წვრთნები სამხრეთში განლაგებული მოწინავე Apache ვერტმფრენების გამოყენებით.

კიმმა ასევე გააკრიტიკა სამხრეთ კორეის ახალი პრეზიდენტი იუნ სუკ-იოლი, რომელმაც  პირობა დადო, რომ უფრო მკაცრი პოზიცია ექნება ფხენიანის წინააღმდეგ - რაც მოიცავს პრევენციული დარტყმის შესაძლებლობის მობილიზების გეგმას.

„ჩვენი ერის წინააღმდეგ სამხედრო ქმედებებზე საუბარი, რომელიც ფლობს აბსოლუტურ იარაღს, რისიც ყველაზე მეტად ეშინიათ, სისულელეა და ძალიან საშიში თვითდესტრუქციული ქმედებაა“, - თქვა კიმმა იუნის ადმინისტრაციაზე, რომელსაც მან „განგსტერების“ ჯგუფი უწოდა.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ