ჩრდილოეთ ნაკადი 1-ის მილსადენით გერმანიაში შემომავალი რუსული ბუნებრივი აირის მოცულობამ კლება დაიწყო. ამის შესახებ გერმანიის ხელისუფლებამ განაცხადა, რომ მის შემდგომ შემცირებას ელოდება.

მანამდე გაზპრომმა გამოაცხადა, რომ რემონტის გამო მიწოდებას 20%-მდე შეამცირებს. ივნისის დასაწყისიდან კომპანიამ Nord Stream-ით გაზის მიწოდება 80%-ით შეამცირა. რუსეთის პრეზიდენტის პრესსპიკერის, დიმიტრი პესკოვის განცხადებით, გაზპრომი ვერ ახერხებს მეტი გაზის მიწოდებას აღჭურვილობის შეკეთების საჭიროების გამო. ევროპაში მიიჩნევენ, რომ მოსკოვი კვლავ იყენებს გაზს იარაღად ევროკავშირის მხარდაჭერის საპასუხოდ უკრაინის მცდელობებზე რუსეთის შემოჭრის მოსაგერიებლად.

კრისტიან ეგენჰოგერი, ევროპული პოლიტიკის კვლევების ცენტრი: „პრეზიდენტი პუტინი ცდილობს გამოსცადოს ევროკავშირის გადაწყვეტილება, მისი ერთიანობა. და ის ითამაშებს იმით, რომ ზოგს ცოტა გაზს მისცემს და ზოგს არ აძლევს - და უბრალოდ ვნახოთ, შეიძლება თუ არა ერთიანობის შენარჩუნება. აქამდე მთავრობები ძალიან მტკიცედ იცავდნენ, მაგრამ, რა თქმა უნდა, საფრთხე ემუქრება მოსახლეობის მხარდაჭერას, მრეწველობას და ა.შ და სწორედ ამაზე თამაშობს.

ევროკავშირის ქვეყნების წარმომადგენლების წინა დღეს შეთანხმდნენ საგანგებო გეგმაზე, რომელიც 1 აგვისტოდან 31 მარტამდე გაზის მოხმარება 15 პროცენტით შემცირდება, რათა ზამთარში ენერგეტიკული კრიზისი თავიდან აიცილოს. თუმცა, ეს შეთანხმება ითვალისწინებს გამონაკლისებს რამდენიმე სახელმწიფოსთვის. ამავდროულად, ევროკავშირის წევრებს თავად შეეძლებათ აირჩიონ როგორ მიაღწიონ საჭირო შემცირებას.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ