დიდი ბრიტანეთის პრემიერ-მინისტრი ბორის ჯონსონი შესაძლოა, ნატო-ს გენერალური მდივანი გახდეს,- ამის შესახებ ინფორმაციას ბრიტანულ გამოცემა The Telegraph-ი ავრცელებს.

გამოცემის ცნობით, ეს შესაძლოა მომავალი წლის სექტემბერში მოხდეს, როცა ალიანსის მოქმედი ხელმძღვანელი თანამდებობას დატოვებს.

როგორც გამოცემაში აღნიშნავენ, ჯონსონი დიდი ხანია რაც განიხილება ნატო-ს გენერალური მდივნის პოსტზე, ევროკავშირის ლიდერების მიმართ, რომლებიც ალიანსს ხელმძღვანელობენ.

ამასთან, გენერალური მდივნის პოსტზე ჯონსონის კანდიდატურას მხარს უჭერენ ბრიტანეთის კონსერვატიული პარტიის მაღალი რანგის ლიდერები. კერძოდ, დეპუტატი მარკ ფრანსუა თვლის, რომ ჯონსონის პოლიტიკური მემკვიდრეობა საკამათო იქნება წლების განმავლობაში, მაგრამ ერთი რამ, რაც აშკარად უდაოა, არის მისი აბსოლუტური ურყევი მხარდაჭერა უკრაინის მიმართ.

„თუ ის ნატო-ს გენერალური მდივნის პოსტის კანდიდატი იქნება, მე ეჭვი მაქვს, რომ მას შეეძლება დაეყრდნოს პრეზიდენტ ზელენსკის რეკომენდაციას“, - განაცხადა ფრანსუამ.

ამასთან, ბრიტანული არმიის ყოფილმა სარდალმა ლორდ დანატმა განაცხადა, რომ ჯონსონის კანდიდატურას ამ უკანასკნელის ხასიათის გამო არ დაუჭერს მხარს.

„უდავოდ, მან ბევრი კარგი რამ გააკეთა და ჩვენი სრული მხარდაჭერა უკრაინისადმი ფანტასტიკურია. მაგრამ მეშინია, რომ ეს არის პირადი საქმეები, პატიოსნების ნაკლებობა, ნდობის ნაკლებობა. სიმართლე, რომ ვთქვა, ჩვენ არ გვინდა ჯონსონის საერთაშორისო ასპარეზზე ახალი დაცინვისთვის გაწირვა. ის ერის სირცხვილია“, - განაცხადა დანატმა.

გარდა ამისა, ბრიტანეთის თავდაცვის სამინისტროს წყაროს ცნობით, ევროკავშირის ყველა ქვეყანა არ ამტკიცებს ჯონსონის კანდიდატურას. 

როგორც გამოცემასთან საუბრისას ერთ-ერთმა თანმოსაუბრემ აღნიშნა, თუ ჯონსონი შეეცდება გახდეს ნატო-ს გენერალური მდივანი, მას საფრანგეთის ვეტო დაემუქრება, რადგან ალიანსში გადაწყვეტილებები მიიღება ერთხმად.

შეგახსენებთ, რომ ჯონსონმა 2019 წელს მთავრობის მეთაურად ტერეზა მეი შეცვალა, მაგრამ 2022 წლის 7 ივლისს იძულებული გახდა გადამდგარიყო .

ამავდროულად, როგორც „The Times“ იტყობინება, ბორის ჯონსონი იმედოვნებს, რომ მომავალში საპარლამენტო არჩევნებში დამარცხების შემთხვევაში, კონსერვატიულ პარტიას კვლავუხელმძღვანელებს და პრემიერ-მინისტრის სავარძელს დაუბრუნდება.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ