რუსეთის წინააღმდეგ სანქციების მეშვიდე პაკეტის ფარგლებში , ევროკავშირმა 57 ფიზიკურ და იურიდიულ პირზე შეზღუდვა დააწესა. 

სანქცირებული იურიდიული და ფიზიკური პირების სია გამოქვეყნებულია  ევროკავშირის ოფიციალურ გვერდზე.

სანქციების ქვეშ მყოფ პირებს შორის არიან:

• მოსკოვის მერი სერგეი სობიანინი;
• სახელმწიფო სათათბიროს დეპუტატი ადამ დელიმხანოვი;
• კემეროვოს ოლქის გუბერნატორი სერგეი ცივილევი;
• სტანისლავ ჩემეზოვი (როსტეკის ხელმძღვანელის სერგეი ჩემეზოვის შვილი);
• ვიცე-პრემიერი ანდრეი ბელუსოვი;
• რუსეთის FSB დირექტორის პირველი მოადგილე სერგეი კოროლევი;
• რუსეთის ეროვნული გვარდიის ჯარების მთავარსარდალი ვიქტორ სტრიგუნოვი;
• ბავშვთა ომბუდსმენი მარია ლვოვა-ბელოვა;
• მსახიობი სერგეი ბეზრუკოვი;
• მსახიობი ვლადიმერ მაშკოვი.

გარდა ამისა, სანქციების სიაში შედიან ოლიგარქის ოლეგ დერიპასკას ნათესავები, რომელიც უკვე სანქციების ქვეშ იმყოფება და კემეროვოს დეპუტატი რომან გოვორი, ალექსანდრე გოვორის ვაჟი, რომელმაც შეიძინა მაკდონალდსის რუსული ბიზნესი.

სანქციების ქვეშ მყოფ ორგანიზაციებს შორის იყო Sberbank (მის წინააღმდეგ ზომები გაფართოვდა), სს კვლევითი და წარმოების ასოციაცია Kvant (სარაკეტო და კოსმოსური ინდუსტრია), სრულიად რუსეთის ბავშვთა და ახალგაზრდობის სამხედრო პატრიოტული საზოგადოებრივი მოძრაობა. სანქციები ასევე დაწესდა პუტინის მომხრე ბაიკერთა კლუბ Night Wolves-ის წინააღმდეგ, რომელიც ყირიმის ანექსიის შემდეგ ევროპაში რუსულ პროპაგანდას ავრცელებს.

სანქციები მოიცავს ევროკავშირში შესვლის აკრძალვას და აქტივების გაყინვას.

შეგახსენებთ, რომ 20 ივლისს,  ევროკავშირის ელჩებმა დაამტკიცა რუსეთის წინააღმდეგ სანქციების მეშვიდე პაკეტი , რომელიც მოიცავს რუსეთიდან ოქროს იმპორტის აკრძალვას და სბერბანკის აქტივების გაყინვას.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის