გერმანიის საგარეო საქმეთა მინისტრმა ანნალენა ბერბოკმა  უარყო რუსეთის განცხადება, რომ დასავლური იარაღის მიწოდებამ გადამწყვეტი  როლი ითამაშა მოსკოვის გადაწყვეტილებაზე,  უკრაინაში სამხედრო მიზნების გაფართოების შესახებ.

ჰანოვერში DW-სთვის მიცემულ ვრცელ ინტერვიუში ბერბოკმა თქვა, რომ მოსკოვი განაგრძობს არგუმენტის შეცვლას და დასძინა, რომ ეს მხოლოდ "ახალი პროპაგანდაა რუსული მხარისგან".

"რუსეთი ყოველ ჯერზე იყენებს სხვადასხვა არგუმენტს. ამჯერად ეს სამხედრო მხარდაჭერის გამოა, ამბობენ ისინი. მაგრამ ისინი ადრე უტევდნენ კიევსა და უკრაინის სხვა ნაწილებს.  გერმანია უკრაინას დაუჭერს მხარს არა მხოლოდ სოლიდარობით, არა მხოლოდ იმით, რომ ყოველდღე აღნიშნავს, რომ ეს არის რუსეთის მიერ საერთაშორისო სამართლის ფუნდამენტური დარღვევა, არამედ სამხედრო მხარდაჭერითაც, რათა მათ შეძლონ დაიცვან თავიანთი ქვეყანა, თავიანთი ტერიტორია",
 - განაცხადა ბერბოკმა.

 რუსეთის საგარეო საქმეთა მინისტრმა სერგეი ლავროვმა განაცხადა, რომ მოსკოვის სამხედრო მიზნები უკრაინაში ახლა დონბასს სცდება.იმის ნაცვლად, რომ ფოკუსირება მოხდეს  დონეცკისა და ლუგანსკის აღმოსავლეთ რეგიონებზე, სადაც რუსეთის მიერ მხარდაჭერილი სეპარატისტები არიან, მან თქვა, რომ მოსკოვმა ასევე ყურადღება გაამახვილა ხერსონისა და ზაპორიჟჟიის სამხრეთ რეგიონებზე.

ლავროვმა დასძინა,  რომ რუსეთის მიზნები კიდევ უფრო გაფართოვდება, თუ დასავლეთი განაგრძობს კიევში შორი მანძილის იარაღის მიწოდებას, როგორიცაა მაღალი მობილურობის საარტილერიო სარაკეტო სისტემები (HIMARS).

24 თებერვალს შეჭრის დაწყების შემდეგ, რუსეთი თავს დაესხა უკრაინის დედაქალაქ კიევს და სხვა ქალაქებს, მანამდე კი გადაიდო თავდასხმა აღმოსავლეთ დონბასის რეგიონზე. იმ დროს რუსეთის პრეზიდენტმა ვლადიმერ პუტინმა უარყო უკრაინის ტერიტორიების ოკუპაციის რაიმე განზრახვა და განაცხადა, რომ მისი მიზანი იყო ქვეყნის დემილიტარიზაცია და „დენაზიფიცირება“.

 გერმანიის საგარეო საქმეთა მინისტრი მხარს უჭერდა გერმანიის მიერ უკრაინისათვის იარაღის მიწოდებას, ბოლო კვლევის შედეგად, ევროპის უდიდესი ეკონომიკის მქონე ქვეყანა მეექვსე ადგილზეა, კიევისთვის იარაღის მიწოდების კუთხით.

”ეს არ არის რბოლა, თუ ვინ რომელ ადგილზეა რეიტინგში,” - თქვა მან. „ეს არის ნატოს წევრი ქვეყნების საერთო მხარდაჭერა მთელი საერთაშორისო საზოგადოების მხრიდან უკრაინის მხარდასაჭერად."

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ