03:45 - 29 Mar, 2024
რეკლამა/ხელმოწერა
2022-07-14 15:56:08, 824 ნახვა

რეგიონი
აჭარის ჯანდაცვის მინისტრი „ფანშეტში“ შეზღუდული შესაძლებლობის სტატუსის მქონე ბავშვთა და ზრდასრულთა რეაბილიტაციის პროგრამების მიმდინარეობას გაეცნო

აჭარის ჯანმრთელობისა და სოციალური დაცვის მინისტრი, ნინო ნიჟარაძე მოადგილესთან, ზურაბ თენიეშვილთან და სოციალური დაცვის დეპარტამენტის ხელმძღვანელთან, ინდირა ნაკაიძესთან ერთად, სარეაბილიტაციო ცენტრ „ფანშეტში“ შეზღუდული შესაძლებლობის სტატუსის მქონე ბავშვთა და ზრდასრულთა რეაბილიტაციის სამინისტროს  პროგრამების მიმდინარეობას გაეცნო.

მინისტრი სარეაბილიტაციო სერვისებით მოსარგებლეთა მშობლებს შეხვდა, ასევე პროგრამების შედეგების შესახებ ინფორმაცია დაწესეულების წარმომადგენლებისგან მიიღო.

„აჭარის ჯანდაცვის სამინისტროს ერთ-ერთ მთავარ პრიორიტეტს წარმოადგენს შეზღუდული შესაძლებლობის მქონე პირების სამედიცინო და სოციალური სერვისებით უზრუნველყოფა, რომლის მიზანია ბენეფიციართა ცხოვრების ხარისხის გაუმჯობესება და სოციალური ინტეგრაციის ხელშეწყობა. ამისათვის სამინისტრო არაერთ პროგრამას ახორციელებს. დღევანდელი ვიზიტის მიზანს სერვისების მოსარგებლეთა მოსაზრებების გაზიარება წარმოდგენდა, რადგან სამინისტრო ყველწლიურად სწორედ მათი საჭიროებების კვლევის საფუძველზე ხვეწავს არსებულ პროგრამებს და ქმნის ახალს. 
სამომავლოდ სამინისტრო გეგმავს პროგრამების გაფართოებას, კერძოდ ადრეული განვითარების პროგრამის დასრულების შემდეგ, 7 წლის ზემოთ ბავშვები მომსახურების მიღმა რჩებიან, შესაბამისად სპეციალისტებთან ერთად ვმუშაობთ საკითხთან დაკავშირებით, ასევე ფართოვდება სარეაბილიტაციო ცენტრების არეალიც და მალე სერვისების მიღება მაღალმთიანი აჭარის მუნიციპალიტეტებშიც იქნება შესაძლებელი“ - აღნიშნა მინისტრმა ნინო ნიჟარაძემ. 

 მიმდინარე წელს სამინისტრომ გაზარდა შეზღუდული შესაძლებლობის სტატუსის მქონე ბავშვთა და ზრდასრულთა რეაბილიტაციის პროგრამების ბენეფიციართა რაოდენობა და ბიუჯეტი. ივლისის თვიდან კი მაღალი მომართვიანობის გამო დამატებით გაიზარდა - აუტიზმის სპექტრის დარღვევების მქონე ბავშვთა რეაბილიტაციის, სმენადაქვეითებულ მოქალაქეთა სმენის აპარატებით უზრუნველყოფის, შეზღუდული შესაძლებლობის მქონე და ხანდაზმულ პირთა სხვა დამხმარე საშუალებებით უზრუნველყოფის პროგრამების დაფინანსება.

ამჟამად, აჭარის  ჯანმრთელობისა და სოციალური დაცვის სამინისტროს 2022 წლის ბიუჯეტი 28 907 795 ლარს შეადგენს. უწყება ჯამში 38 სხვდასხვა პროგრამას ახორციელებს.








ავტორი: NS (სტატია დაფინანსებულია),


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics