საგარეო საქმეთა მინისტრის თამარ ბერუჩაშვილის პირველი სამუშაო ვიზიტი ამერიკის შეერთებულ შტატებში დასრულდა. 

როგორც ვიზიტის დასრულების შემდეგ თამარ ბერუჩაშვილმა განაცხადა, საქართველოს უახლოეს მომავალში ამერიკის შეერთებული შტატების სახელმწიფო მინისტრი, ჯონ ქერი ეწვევა.

საგარეო უწყების ინფორმაციით, აშშ-ში ვიზიტისას გარდა პოლიტიკური დიალოგისა,  ვიზიტის მნიშვნელოვანი კომპონენტი იყო სავაჭრო ეკონომიკური ურთიერთობების საკითხი. განხილული იყო ის შესაძლებლობები, რაც საქართველოს მიიყვანს აშშ-თან თავისუფალი ვაჭრობის ხელშეკრულების გაფორმებასთან. როგორც მინისტრმა ვიზიტის შეჯამებისას განაცხადა,  მიმდინარე წლის მარტში დაიგეგმა კომერციის დეპარტამენტის, სავაჭრო ეკონომიკურ მისიის საქართველოში ვიზიტი, რაც იქნება კარგი შესაძლებლობა ამერიკული ბიზნესისთვის გაიცნონ საქართველოს საინვესტიციო კლიმატი და ის ახალი რეალობა, რაც არის სავაჭრო-ეკონომიკურ პოლიტიკაში. ეს ვიზიტი იქნება სავაჭრო ეკონომიკური ურთიერთობების განვითარებისკენ გადადგმული კიდევ ერთი მნიშვნელოვანი ნაბიჯი.

მათივე ცნობით, ვიზიტის ფარგლებში მნიშვნელოვანი დიალოგი შედგა აშშ-ის კვლებით ცენტრებთან და არასამთავრობო ორგანიზაციებთან.  გაიმართა დისკუსიები საქართველოსთვის ყველა საინტერესო თემაზე, მათ შორის დღევანდელ რეგიონალურ გამოწვევებსა და რუსეთთან ურთიერთობაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს