უკრაინაში, სამუშო ვიზიტის ფარგლებში ევროპულ და ევროტლანტიკურ სტურქტურებში ინტეგრაციის საკითხებში სახელმწიფო მინისტრი დავით ბაქრაძე უკრაინის საგარეო საქმეთა მინისტრს პავლო კლიმკინს შეხვდა. 

სახეწლმწიფო მინისტრის აპარატის ინფორმაციით, შეხვედრაზე ხაზგასმით აღინიშნა, რომ უკრაინასა და საქართველოს ერთ-ერთი ურყევი საგარეო-პოლიტიკური პრიორიტეტი ევროკავშირში გაწევრიანებაა. მხარეებმა გაზაფხულზე რიგაში დაგეგმილი აღმოსავლეთ პარტნიორობის სამიტის კონტექსტში  ორი ქვეყნის ევროინტეგრაციის პროცესის აქტუალური საკითხები და რეგიონში უსაფრთხოების კუთხით არსებული ვითარება განიხილეს.  სამიტის მოლოდინებსა და  რუსეთის მხარიდან განხორციელებულ ანექსიურ პოლიტიკაზე საუბრისას დავით ბაქრაძემ და პავლო კლიმკინმა ხაზი გაუსვეს ევროკავშირის წევრი ქვეყნებისგან აღმოსავლეთ პარტნიორობის მონაწილე სახელმწიფოების ევროპული მისწრაფებების  მხარდაჭერის მნიშვნელობას.  

შეხვედრაზე, ასევე, განიხილეს ევროკავშირთან ასოცირების შეთანხმებების განხორციელებისა და ამ პროცესში  საქართველოსა და უკრაინას შორის გამოცდილების გაზიარებისა და თანამშრომლობის გაღრმავების საკითხები. სახელმწიფო მინისტრმა უკრაინის საგარეო საქმეთა სამინისტროს პირველ პირებს ინფორმაცია მიაწოდა საქართველოში საკანონმდებლო ჰარმონიზაციისა და ინსტიტუციონალური განვითარების მიმართულებით გადადგმული ნაბიჯებისა და სამომავლო გეგმების შესახებ. 
მხარეები, ასევე, შეთანხმდნენ, რომ გაგრძელდეს ინტენსიური მუშაობა ქვეყნებს შორის ორმხრივ ფორმატში თანამშრომლობის გაღმავების მიმართულებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს