მარიუპოლის მერის მრჩეველი, პეტრო ანდრიუშენკო აცხადებს, რომ მარიუპოლში რუსი ოკუპანტები გეგმავენ ე.წ. ფილტრაციის ციხეში მყოფი თითქმის 2000 კაცის ტანსაცმლის შეიარაღებული ძალების ფორმაში შეცვლას და 9 მაისს „პატიმრების აღლუმში“ ჩართვას.

მისივე თქმით, რუსეთს არ ჰყავს საკმარისი რეალური პატიმრები, ამიტომაც ამ ხერხს მიმართავენ, რათა შეიქმნას სხვა პროპაგანდისტული სურათი. 

ანდრიუშჩენკოს პირდაპირი გამოსვლა : „ჩვენ გვაქვს ინფორმაცია, რომ დღეს თითქმის 2000 კაცი იმყოფება ფილტრაციის ციხეში. ეს არის სოფლები ბეზიმენე და კოზაცკე. ისინი მარიუპოლიდან თითქმის 4 კვირის წინ გაიყვანეს. ამ მამაკაცებს აკავებენ და ეუბნებიან, რომ უკრაინულ ფორმაში ჩაცმულნი იქნებიან და მარიუპოლში ეგრეთ წოდებულ „პატიმართა აღლუმში“ ჩაერთვებიან, რადგან მათ არ ჰყავთ საკმარისი რეალური პატიმრები. ეს იქნება ისეთი გროტესკული მასა, რომ შეიქმნას სხვა პროპაგანდისტული სურათი”,- განაცხადა ანდრიუშჩენკომ. 

ცნობისთვის, უკრაინის თავდაცვის სამინისტროს მთავარი სადაზვერვო სამმართველოს ინფორმაციით, რუსი ოკუპანტები მარიუპოლში გამარჯვების დღის აღსანიშნავად ემზადებიან, ამისთვის ქალაქში რუსეთის ფედერაციის პრეზიდენტის ადმინისტრაციის უფროსის პირველი მოადგილე სერგეი კირიენკო ჩავიდა. 

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო