უკრაინელებს, რომლებიც იბრძვიან ერის მომავლისთვის, უნდა ჰქონდეთ იარაღი, შესაძლებლობები, საბრძოლო მასალა და აღჭურვილობა, რათა დაიცვან თავი პუტინის საზარელი ომისგან, - ამის შესახებ აშშ-ს პრეზიდენტმა ჯო ბაიდენმა ალაბამაში მყოფ მუშაკებთან შეხვედრისას განაცხადა.

მისივე თქმით, ტანკსაწინააღმდეგო რაკეტები, რომლებსაც ისინი ამზადებენ მათ ობიექტზე, შესაძლებელს ხდის უკრაინის წინააღმდეგობას რუსეთის შემოსევის მიმართ და იცავს ამერიკელ მებრძოლებს ომისგან.

„ჩვენ ვიცით, რომ შეერთებული შტატები ხელმძღვანელობს ჩვენს მოკავშირეებს და პარტნიორებს მთელს მსოფლიოში, რათა დარწმუნდნენ, რომ უკრაინელებს, რომლებიც იბრძვიან ერის მომავლისთვის, ჰქონდეთ იარაღი, შესაძლებლობები და საბრძოლო მასალა და აღჭურვილობა, რათა დაიცვან თავი პუტინის საზარელი ომისგან. ბევრი სამხედრო დანაშაული ჩადენილია.

სწორედ თქვენ ხდით შესაძლებელს, რომ უკრაინელმა ხალხმა დაიცვას თავი, მესამე მსოფლიო ომის დაწყების რისკის თავიდან აცილებით“, - განაცხადა აშშ-ის პრეზიდენტმა ქარხანაში სტუმრობისას.

ამასთან, ბაიდენმა აღნიშნა, რომ უკრაინისთვის იარაღის მიწოდება არ შეფერხდება.

„ჩვენ ვიზრუნებთ იმაზე, რომ უკრაინისთვის იარაღის მიწოდება არ შეფერხდება“, - განაცხადა ბაიდენმა.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო