ევროპელი და ამერიკელი პოლიტიკოსების გადაწყვეტილებამ ახალი ანტირუსული შეზღუდვების დაწესებასთან დაკავშირებით,  დასავლეთში უპრეცედენტო კრიზისი და ინფლაცია გამოიწვია, - ამის შესახებ რუსეთის პრეზიდენტმა, ვლადიმერ პუტინმა ადგილობრივ მედიასთან საუბრისას განაცხადა. 

მისივე თქმით, გამოწვევების წინაშე რუსეთიც დგას, თუმცა ამ შემთხვევაში, ოკუპანტი ქვეყნის ლიდერი ამას ახალ შესაძლებლობად და ვარიანტების გაჩენად აღიქვამს.

"დასავლეთის რიგი ქვეყნების უარი ნორმალურ თანამშრომლობაზე, მათ შორის რუსეთის ენერგორესურსებზე, უკვე დაარტყა მილიონობით ევროპელs, გამოიწვია რეალური ენერგეტიკული კრიზისი და აისახა, სხვათა შორის, შეერთებულ შტატებში. ფასები და ინფლაცია ყველგან იზრდება, ამ ქვეყნებისთვის ეს აბსოლუტურად უპრეცედენტოა,"- განაცხადა პუტინმა. 

სახელმწიფოს მეთაურის თქმით, ქვეყანას შეეძლება გაზარდოს ნავთობის, გაზისა და ქვანახშირის შიდა მოხმარება, ნედლეულის ღრმა გადამუშავების სტიმულირება და ენერგომომარაგების გაზრდა მსოფლიოს სხვა რეგიონებში.

ცნობისთვის, უკრაინაში დაწყებული საომარი მოქმედებების შემდეგ, დასავლეთის ქვეყნებმა რუსეთის წინააღმდეგ ახალი სანქციები დააწესეს. კერძოდ, შეზღუდვები დაექვემდებარა მსხვილ რუსულ ბანკებს, გაიყინა ოქროსა და სავალუტო რეზერვების ნაწილი, ევროკავშირმა აკრძალა სამოქალაქო თვითმფრინავების და სათადარიგო ნაწილების მიწოდება და მეიჯარეს უბრძანა შეეწყვიტათ ხელშეკრულებები რუსულ ავიახაზებთან. ბევრმა უცხოურმა საწარმომ შეაჩერა სამუშაოები და რუსული ბაზრიდან გავიდა. 

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება