რესპუბლიკელმა სენატორებმა მარკო რუბიომ და ჩას გრასლიმ წარადგინეს კანონპროექტი "გმირებს დიდება" GLORY TO THE HEROES, რომელიც ითვალისწინებს ფართომასშტაბიანი სანქციების დაწესებას ყველა რუსული სახელმწიფო საწარმოს წინააღმდეგ.

ამის შესახებ ნათქვამია სენატორი რუბიოს ვებგვერდზე გამოქვეყნებულ განცხადებაში.

კერძოდ, კანონპროექტს აქვს სრული სახელწოდება "რუსი ოლიგარქების და მოსკოვის მაქინაციების ინდუსტრიული მოკავშირეების გამდიდრების შეჩერება მისი საზიზღარი ბოროტმოქმედების საზღვარგარეთ გამოსაყენებლად", ან ამ სახელწოდების შემოკლებული ინგლისური აბრევიატურაა "დიდება გმირებს".

ამრიგად, სანქციები ითვალისწინებს ვლადიმერ პუტინის ომების დასაფინანსებლად მოსკოვის მფლობელობაში მყოფი ან კონტროლირებადი კომპანიების ამერიკული კაპიტალის ბაზარზე შესვლის აკრძალვას. საუბარია ისეთ კომპანიებზე, როგორიცაა Rosneft, Gazprom, Rosatom, Aeroflot და RT.
"პუტინი აქტიურად ამარაგებს რუსეთის საომარ მანქანას მოსკოვის კონტროლირებადი სახელმწიფო კორპორაციების მიერ მიღებული სახსრებით. არცერთ რუსულ სახელმწიფო საწარმოს არ უნდა ჰქონდეს წვდომა ამერიკულ კაპიტალზე, როდესაც სისხლისმსმელი დიქტატორი შემოიჭრება უკრაინაში", - თქვა რუბიომ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს