ჯო ბაიდენის ადმინისტრაციამ გააფრთხილა ვოლოდიმირ ზელენსკი, რომ აშშ-ს დაზვერვის თანახმად, რუსეთი ემზადება უკრაინაში სრულმასშტაბიანი შეჭრისთვის 48 საათის განმავლობაში. ამის შესახებ Newsweek აშშ-ის დაზვერვის წარმომადგენლებზე დაყრდნობით იუწყება.
„გარდა ამისა, ავიაციის დამკვირვებლების ცნობები მიუთითებს იმაზე, რომ რუსეთმა დაარღვია უკრაინის საჰაერო სივრცე, დღეს დილით, მოკლე ფრენა უკრაინის თავზე, სადაზვერვო თვითმფრინავით განხორციელდა“, - თქვა წყარომ.
თეთრი სახლის გაფრთხილების შესახებ ინფორმაცია Newsweek-ის უკრაინის პრეზიდენტთან დაახლოებულმა წყარომაც დაადასტურა. მან დასძინა, რომ ეს არის მესამე ასეთი გაფრთხილება შეერთებული შტატებიდან მიმდინარე თვეში.

აშშ-ს დაზვერვის ანონიმური წარმომადგენლის თქმით, პენტაგონი მოელის, რომ რუსული თავდასხმა მოიცავს საჰაერო თავდასხმებს, საკრუიზო რაკეტებს და სახმელეთო შეჭრას. გარდა ამისა, რუსეთის ჯარებს შეუძლიათ შევიდნენ არა მხოლოდ დონეცკიდან და ლუგანსკიდან, არამედ ბელორუსის ტერიტორიიდანაც. სხვა წყარომ განუცხადა Newsweek-ს, რომ შეჭრა დაიწყება კიბერშეტევით, რასაც მოჰყვება სახმელეთო შეჭრა, რომელიც სავარაუდოდ ღამით მოხდება.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს