რუსეთის მიერ უკრაინის ოკუპირებული ტერიტორიების აღიარებას ევროკავშირისგან საპასუხოდ შესაბამისი პოლიტიკურ-ეკონომიკური ზომები მოჰყვა.

ალიანსმა რუსეთის დუმის წევრებს, ფიზიკურ პირებსა და ორგანიზაციებს სანქციების პაკეტი უკვე ოფიციალურად დაუმტკიცა.

ევროკავშირმა შავ სიაში შეიყვანა რუსეთის დუმის 351 დეპუტატი, რომელმაც ოკუპირებული დონბასისა და ლუგანსკის ე.წ. დამოუკიდებლობას ხმა მისცეს.

ამასთან ერთად, ალიანსმა სანქციები დაუწესდა იმ 27 ფიზიკურ და იურიდიულ პირსაც, რომლებმაც უკრაინის ოკუპირებულ რეგიონებში რუსეთის ოპერაციები დააფინანსეს.

სანქციები, რომლებიც მოგზაურობის აკრძალვასა და აქტივების გაყინვას გულისხმობს, რუსეთის დუმის ქვედა პალატის ყველა წევრზე გავრცელდება. ამის შესახებ ინფორმაცია ევროკავშირის უმაღლესი წარმომადგენლის საგარეო პოლიტიკისა და უსაფრთხოების საკითხებში ჟოზეფ ბორელმა განაცხადა.

„სანქციების ეს პაკეტი, რომელიც ერთხმად დაამტკიცა ყველა წევრმა ქვეყანამ, ძალიან დააზარალებს რუსეთს", - აღნიშნა ევროკავშირის საგარეო საქმეთა და უშიშროების პოლიტიკის სფეროში უმაღლესი წარმომადგენელმა.

მიუხედავად ამისა, ბორელმა დასძინა, რომ რუსეთთან მოლაპარაკებების გასამართად ევროკავშირი კვლავ მზადაა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს