უკრაინის პრეზიდენტმა ვლოდიმირ ზელენსკიმ ერს მიმართა. მისი თქმით, უკრაინის საერთაშორისოდ აღიარებული საზღვრები იგივე დარჩება, მიუხედავად რუსეთის ქმედებებისა. პრეზიდენტის თქმით, უკრაინელებს არავისი არაფერი მართებთ და არავის არაფერს დაუთმობენ.
ე.წ რესპუბლიკების დამოუკიდებლობის აღიარება ნიშნავს რუსეთის ფედერაციის გამოსვლას მინსკის შეთანხმებებიდან. გარდა ამისა, უკრაინამ დაიწყო ნორმანდიის ოთხეულის საგანგებო სამიტი.
„ჩვენ მხარს ვუჭერთ მშვიდობიან და დიპლომატიურ გზას და მივყვებით მას და მხოლოდ მას. ჩვენ არავის არაფერი გვაქვს ვალი და არავის არაფერს მივცემთ“, - განაცხადა ზელენსკიმ.
"ისტორიის გაკვეთილების დრო არ გვაქვს. ჩვენ გვინდა მშვიდობა! დონბასის ოკუპირებული რეგიონების დამოუკიდებლობის აღიარება შეიძლება ნიშნავდეს მინსკის შეთანხმებებიდან ცალმხრივ გამოსვლას.
და უკრაინის საერთაშორისოდ აღიარებული საზღვრები იგივე დარჩება, მიუხედავად რუსეთის ქმედებებისა
ჩვენ არ ვემორჩილებით პროვოკაციებს, ჩვენი საზღვრები უსაფრთხოდ არის დაცული.  ჩვენ საკუთარ მიწაზე ვართ, არავის და არაფრის არ გვეშინია და არავის არაფერს მივცემთ. " განაცხადა პრეზიდენტმა ზელენსკიმ.

რუსეთის პრეზიდენტმა, ვლადიმერ პუტინმა დონეცკისა და ლუგანსკის ე.წ რესპუბლიკების დამოუკიდებლობა აღიარა

„მივიღე გადაუდებელი გადაწყვეტილება, რომელიც დიდი ხნის წინ მომწიფთა, ვაღიარო დონეცკისა და ლუგანსკის დამოუკიდებლობა. ვთხოვ, ფედერაციის საბჭოს სასწრაფოდ მოახდინოს ამ გადაწყვეტილების რატიფიცირება", - განაცხადა ვლადიმერ პუტინმა. 

მანამდე, კრემლმა გაავრცელა ინფორმაცია, რომლის მიხედვითაც, ვლადიმირ პუტინმა დასავლეთს აცნობა, რომ დონეცკის და ლუგანსკის დამოუკიდებლობის აღიარებას აპირებს. 

შეგახსენებთ, რომ რუსეთის დუმამ ე.წ დონეცკისა და ლუგანსკის სახალხო რესპუბლიკების აღიარების მოთხოვნით პუტინს 15 თებერვალს მიმართა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს