კიევში, ნორმანდიის ფორმატის დიალოგის ფარგლებში, 
გერმანიის საგარეო პოლიტიკის მრჩეველი, იენს პლეტნერი და საფრანგეთის პრეზიდენტის დიპლომატიური მრჩეველი ვლადიმერ ზელენსკის შეხვდნენ. 

პრეზიდენტი ვოლოდიმირ ზელენსკი მიესალმა იმ ძალისხმევას, რომელსაც უკრაინის პარტნიორები ნორმანდიის ფორმატში აგრძელებენ. 

„დროა, არსებითად შევთანხმდეთ კონფლიქტის დასრულებაზე და ჩვენ მზად ვართ საჭირო გადაწყვეტილებებისთვის ოთხი ქვეყნის ლიდერების ახალი სამიტის დროს“, - აღნიშნა უკრაინის მეთაურმა.

მხარეებმა აზრები გაცვალეს არსებულ ვითარებაზე და გააგრძელეს შემდგომი ნაბიჯების განხილვა რუსეთ-უკრაინის კონფლიქტის მშვიდობიანი მოგვარების, ასევე უკრაინის საზღვრებზე სიტუაციის დეესკალაციის მიზნით.

რეზიდენტის აპარატის ხელმძღვანელმა ანდრიი ერმაკმა დაადასტურა, რომ უკრაინული მხარე რჩება მოგვარების პოლიტიკური და დიპლომატიური გზის ერთგული.

მხარეები შეთანხმდნენ, რომ გააგრძელებენ შეხვედრებს ნორმანდიის ფორმატში, რათა შეთანხმდნენ ნორმანდიული ფორმატის ქვეყნების ლიდერების მორიგი სამიტის ორგანიზების მოდალობაზე.

„უკრაინა, საფრანგეთი და გერმანია ახორციელებენ აქტიურ ძალისხმევას, რათა განაახლონ ეფექტური მუშაობა ნორმანდიის ფორმატში სხვადასხვა დონეზე. ჩვენ ველით, რომ რუსული მხარე მხარს დაუჭერს ამ ძალისხმევას და ასევე ხელს შეუწყობს პროგრესს ნორმანდიული ოთხეულის პარიზის სამიტის გადაწყვეტილებების განხორციელებაში. მორიგი ნორმანდიის ფორმატის სამიტის ჩატარება სამშვიდობო პროცესს სერიოზულ იმპულსს მისცემს“, - განაცხადა ანდრეი ერმაკმა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს