2021-12-28 15:11:02, 1667 ნახვა
სამართალი
მიხეილ სააკაშვილის საქართველოში შემოსვლის საქმეზე დაკავებულმა ოთხივე პირმა ბრალი აღიარა
თბილისის საქალაქო სასამართლოში მიხეილ სააკაშვილის საქართველოში შემოსვლის საქმეზე დაკავებულების – გიორგი ნარიმანიძის, ელგუჯა ცომაიას, ზურაბ და შალვა წოწორიების წინასასამართლო სხდომა მიმდინარეობს.
თითოეულმა ბრალდებულმა პროცესზე განაცხადა, რომ ბრალს აღიარებს. ამასთანავე, ბრალდებულებისთვის აღკვეთის ღონისძიების სახით შეფარდებული პატიმრობის საკითხი გადაისინჯა და სასამართლომ ოთხივე ბრალდებული პატიმრობაში დატოვა.
ბრალდებულებს – გიორგი ნარიმანიძეს, ელგუჯა ცომაიას, შალვა და ზურაბ წოწორიებს მძიმე დანაშაულის დაფარვას ედავებიან. ელგუჯა ცომაიას ასევე ბრალი წარდგენილი აქვს საზღვრის უკანონო გადმოკვეთაში დახმარებისთვის.
ავტორი: ექსპრესნიუსი,
epn.ge (@expressnews.ge)
