შუახევის მუნიციპალიტეტის მერი, მუნიციპალიტეტის ხელმძღვანელ პირებთან ერთად, დავით კაჭარავას შეხვდა

2021-12-21 10:36:25, 676 ნახვა

რეგიონი

შუახევის მუნიციპალიტეტის მერი, ომარ ტაკიძე, მუნიციპალიტეტის ხელმძღვანელ პირებთან ერთად, რაგბის კავშირის გამგეობის თავმჯდომარეს დავით კაჭარავას შეხვდა. ინფორმაციას შუახევის მუნიციპალიტეტის მერია ავრცელებს.

მათივე ცნობით, შეხვედრას რეგიონალური განვითარების სამსახურის ხელმძღვანელი გაიოზ მონიავა, აჭარის არ უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე ილია ვერძაძე, ბათუმისა და ჩაქვის სარაგბო კლუბების დირექტორები, გელა ქობულაძე და ირაკლი დავითაძე ესწრებოდნენ.

ამასთანავე, შეხვედრაზე ისაუბრეს მუნიციპალიტეტში ახალი რაგბის სტადიონის მშენებლობაზე, რაგბის განვითარებისა და პოპულარიზაციის საკითხებზე, რაგბში სპორტული შეკრებებისა და ღონისძიებების ხელშეწყობაზე.

მომავალ წელს, სოფელ ფურტიოში ახალი რაგბის სტადიონის და საზაფხულო სპორტულ-გამაჯანსაღებელი ბანაკის მშენებლობა იწყება, რომელიც მთელი ზაფხულის განმავლობაში უმასპინძლებს ბავშვებს, როგორც საქართველოს ყველა კუთხიდან, ასევე სხვადასხვა ქვეყნებიდან.

სამუშაო შევედრის შემდეგ, სტუმრებმა შუახევის მერთან ერთად, დაათვალიერეს სოფელ ფურტიოში სარაგბო ლოკაცია, სადაც შემდეგში სპორტული ინფრასტრუქტურის მოწყობა იგეგმება.