2021-12-14 11:55:07, 2359 ნახვა

---

ეკატერინე ტიკარაძის განცხადებით, „ომიკრონი“ საქართველოში ჯერჯერობით არ დაფიქსირებულა, თუმცა მოლოდინი არის

ჯანდაცვის მინისტრი ეკატერინე ტიკარაძე აცხადებს, რომ ჯერჯერობით საქართველოში ლაბორატორიული კვლევით კორონავირუსის ახალი „ომიკრონ" ვარიანტი არ დაფიქსირებულა.

როგორც ტიკარაძემ ჟურნალისტებთან საუბრისას აღნიშნა, ჯანდაცვის სისტემა მოლოდინის რეჟიმშია, რომ კოვიდ19–ის ახალი შტამი საქართველოშიც დადასტურდება. 

„რა თქმა უნდა, საქართველოს ჯანდაცვის სისტემა, ჯანდაცვის სამინისტრო და დაავადებათა კონტროლის ცენტრი მოლოდინის რეჟიმშია, რომ „ომიკრონი" საქართველოშიც დადასტურდება. ამაში გასაკვირი არაფერია. თუმცა, როგორც ოფიციალურ პირს, არ მაქვს უფლება დაუზუსტებელი ინფორმაცია ვთქვა. ამ ეტაპისთვის, ჩვენ ლაბორატორიული კვლევით დადასტურებული ინფორმაცია არ გვაქვს და შესაბამისად ვაგრძელებთ ჩვეულ რეჟიმში მუშაობას", - განაცხადა ტიკარაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი