„დიდი შვიდეულის“ წევრი ქვეყნების საგარეო საქმეთა მინისტრები და ევროკავშირის უმაღლესი წარმომადგენელი, რუსეთისა და უკრაინის შესახებ ერთობლივ განცხადებას ავრცელებენ.

განცხადებაში აღნიშნულია, რომ რუსეთს არ უნდა ეპარებოდეს ეჭვი, უკრაინის წინააღმდეგ სამხედრო აგრესიას სერიოზული შედეგები და საპასუხოდ, მძიმე ფასი მოჰყვეს.

 „ჩვენ, დიდი შვიდეულის წევრი სახელმწიფოების, კანადის,  საფრანგეთის, გერმანიის, იტალიის, იაპონიის, გაერთიანებული სამეფოს და აშშ-ის საგარეო საქმეთა მინისტრები და ევროკავშირის უმაღლესი წარმომადგენელი, ვგმობთ რუსეთის მიერ უკრაინის წინააღმდეგ მიმართულ სამხედრო ძალების ზრდასა და აგრესიულ რიტორიკას.

ჩვენ მოვუწოდებთ რუსეთს დეესკალაციისკენ, დიპლომატიური არხების გატარებასა და სამხედრო აქტივობების გამჭვირვალობის შესახებ საერთაშორისო ვალდებულებების დაცისკენ. აღნიშნულის შესახებ პრეზიდენტ პუტინთან ვიდეოშეხვედრისას ჯო ბაიდენმაც განაცხადა. ჩვენ ვადასტურებთ მხარდაჭერას ნორმანდიულ ფორმტში საფრანგეთისა და გერმანიის ძაილსხმევას, რათა მიღწეული იყოს მინსკის შეთაანხმების სრული შესრულება აღმოსავლეთ  უკრაინაში კონფლიქტის მოსაგვარებლად.

საზღვრების შესაცვლელად ნებისმიერი ძალის გამოყენება მკაცრად აკრძალულია საერთაშორისო სამართლის მიხედვით. რუსეთს არ უნდა ეპარებოდეს ეჭვი, რომ უკრაინის წინააღმდეგ შემდგომ სამხედრო აგრესიას სერიოზული შედეგები და საპასუხოდ, მძიმე ფასი ექნება.

ჩვენ ვადასტურებთ ურყევ ერთგულებას უკრაინის სუვერენიტეტისა და ტერიტორიული მთლიანობის მიმართ, ისევე როგორც ნებისმიერი სუვერენული სახელმწიფოს უფლებას, თავად განსაზღვროს საკუთარი მომავალი. ჩვენ მივესალმებით უკრაინის თავშეკავებულ პოზიციას. გავააქტიურებთ თანამშრომლობას საერთო და ყოვლისმომცველ რეაგირებაზე“, - ვკითხულობთ განცხადებაში

ავტორი: ექსპრესნიუსი,

სოციალური ქსელები

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას

მეუფე ნიკოლოზი ილია მეორის წმინდანად შერაცხვას ითხოვს - მიმართვა, რომლის წაკითხვაც მიტროპოლიტს გაფართოებულ კრებაზე სურდა

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია