უკრაინას ჯერ კიდევ არ დაუბრუნებია რუსეთისთვის  სსრკ-ს ქონება, საგარეო ვალის დაფარვის სანაცვლოდ. ამის შესახებ რუსეთის პრეზიდენტმა ვლადიმერ პუტინმა ფილმში „რუსეთი. უახლესი ისტორია სატელევიზიო არხზე" რუსეთი 1 " განაცხადა.

პუტინმა გაიხსენა, რომ 1993 წელს რუსეთმა პირობა დადო, რომ გადაეხადა ვალი საბჭოთა კავშირის ყველა ყოფილი რესპუბლიკისთვის, იმ მოლოდინით, რომ ეს რესპუბლიკები მთელ უცხოურ ქონებას გადასცემდნენ სსრკ-ს.

„ჩვენ ყველას გადავუხადეთ დავალიანება, მაგრამ ყველამ არ შეასრულა ეს ვალდებულება, გადმოეცა ჩვენთვის უცხოური აქტივები. მაგალითად, უკრაინას ეს ჯერ არ გაუკეთებია“, - განაცხადა პუტინმა. მას არ დაუკონკრეტებია, რა ქონებაზეა საუბარი.

მისი თქმით, ზოგიერთმა ქვეყანამ უარი თქვა რუსეთისთვის უცხოური ქონების გადაცემაზე და შესთავაზა მოლაპარაკება ყოფილ საბჭოთა რესპუბლიკებთან.

პუტინმა ასევე თქვა, რომ 2000-იან წლებში რუსეთმა ვადაზე ადრე გადაიხადა ვალები კრედიტორთა პარიზისა და ლონდონის კლუბებში, რითაც დაზოგა 14 მილიარდი დოლარი პროცენტში.

გასული წლის თებერვალში პუტინმა საკონსტიტუციო ცვლილებების მომზადების სამუშაო ჯგუფთან შეხვედრაზე ახსენა ზოგიერთი ყოფილი საბჭოთა რესპუბლიკის უარი საბჭოთა კავშირის საგარეო აქტივების რუსეთში დაბრუნებაზე. შემდეგ მან თქვა, რომ „საბჭოთა კავშირში ახლად ჩამოყალიბებულმა ზოგიერთმა სახელმწიფომ“ ეს აქტივები არ გადასცა, მაგრამ კონკრეტული ქვეყნები არ დაასახელა.

ამასთან, მან აღნიშნა, რომ „ჩვენ, ჩემი აზრით, მხოლოდ უკრაინაში 16 მილიარდი გადავიხადეთ“.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს