რუსეთის საგარეო საქმეთა სამინისტროში აცხადებენ, რომ 3+3 ფორმატში საქართველოსთვის კარი ღია რჩება და თბილისის ჩართულობით დანარჩენი 5 ქვეყნის წარმომადგენლები დაინტერესებული არიან.

როგორც განცხადებაშია ნათქვამი, მათ განიხილეს შემდგომი ნაბიჯები და სამოქმედო გეგმები, სამომავლოდ პროფილური სამინისტროებისა და უწყებების შესაძლო ჩართვისთვის.

"განვიხილეთ პერსპექტივები მრავალმხრივი რეგიონალური გაერთიანების. გაძლიერდა პლატფორმის მუშაობის ფოკუსი პრაქტიკულ საკითხებზე, რაც ყველა მონაწილის ინტერესშია. მათ შორისაა, ნდობის ამაღლება, გაერთიანება სავაჭრო-ეკონომიკური, ტრანსპორტის, კულტურულ-ჰუმანიტარული საკითხების მხრივ და მუქარების საწინააღმდეგოდ ერთობლივი მოქმედება.

საქართველოს წარმოამდგენლებმა, რომლებიც ასევე იყვნენ დაპატიჟებული, შეხვედრაში მონაწილეობისგან თავი შეიკავეს", ხუთი ქვეყნის წარმომადგენლებმა გამოხატეს დაინტერესება, პლატფორმის მუშაობაში ჩაერთოს საქართველო, რომლისთვისაც "კარი" ღია რჩება", - ნათქვამია რუსეთის საგარეო უწყების განცხადებაში.

3+3 ფორმატში მონაწილეობენ რუსეთი, თურქეთი, აზერბაიჯანი, სომხეთი და ირანი. 

3+3 ფორმატის იდეა 2020 წლის ყარაბახის ომის შემდეგ, 10 დეკემბერს, ბაქოში აზერბაიჯანის და თურქეთის პრეზიდენტებმა, ილჰამა ალიევმა და რეჯეფ თაიფ ერდოღანმა წამოაყენეს. 

ფორმატი გულისხმობს თურქეთის, აზერბაიჯანის, სომხეთის, საქართველოს, რუსეთისა და ირანის კოოპერაციას რეგიონში სტაბილურობისა და მშვიდობის დასამყარებლად. 

ფორმატში მონაწილეობის შესაძლებლობაზე საქართველოს საგარეო საქმეთა მინისტრმა 8 ოქტომბერს ისაუბრა. მევლუთ ჩავუშოღლუმ დავით ზალკალიანთან შეხვედრის შემდეგ განაცხადა, რომ მას ესმოდა თბილისის ფრთხილი პოზიცია ამ რეგიონალურ იდეასთან დაკავშირებით და ხაზი გაუსვა თურქეთის მხარდაჭერას საქართველოს ტერიტორიული მთლიანობის მიმართ. 

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს