2021-12-05 14:14:48, 553 ნახვა
მსოფლიო
ინდონეზიაში ვულკანი ამოფრქვევის შედეგად 13 ადამიანი დაიღუპა, 57 კი დაშავდა
ინდონეზიაში, ჯავას პროვინციაში ვულკან „სემერუმ“ ამოიფრქვა, რის შედეგადაც 13 ადამიანი დაიღუპა, 57 კი დაშავდა. ამის შესახებ ინფორმაციას გამოცემა BBC ავრცელებს.
საგანგებო სიტუაციების მართვის სამსახურის ცნობით, დაშავებულთა შორის ბევრმა მძიმე დამწვრობა მიიღო და სხვადასხვა სამედიცინო დაწესებულებებში არიან გადაყვანილი.
ათასობით ადამიანის ევაკუაცია უკვე განხორციელდა. ფერფლითა და კვამლით დაიფარა მიმდებარე დასახლებები. ამ დასახლებებიდან სულ მცირე 300 ოჯახი გაიყვანეს.
ოფიციალური პირების განცხადებით, რამდენიმე დასახლებამდე მისვლა წაქცეული ხეებისა და ტალახის გამო ჯერ კიდევ ვერ ხერხდება. დახმარება სთხოვეს სამხედროებსაც.
ავტორი: ექსპრესნიუსი,