2021-11-22 17:35:48, 1191 ნახვა

---

სამცხე-ჯავახეთის მხარის სახელმწიფო რწმუნებულმა მუნიციპალიტეტების მერებთან სამუშაო შეხვედრა გამართა

სამცხე-ჯავახეთის მხარის სახელმწიფო რწმუნებულმა ბესიკ ამირანაშვილმა მუნიციპალიტეტების მერებთან სამუშაო შეხვედრა გამართა. ინფორმაციას სამცხე-ჯავახეთის მერიის პრესსამსსახური ავრცელებს.

მათივე ცნობით, სამუშაო შეხვედრაზე განიხილეს მუნიციპალიტეტებში წელს დაგეგმილი ინფრასტრუქტურული პროექტების მიმდინარეობა, პანდემიის მართვის საკითხები, როგორიცაა აცრების წახალისება, მოსახლეობის ინფორმირება, აღნიშნულ პროცესებში მუნიციპალიტეტების ჩართულობა. ასევე იმსჯელეს მუნიციპალიტეტების მომავალი წლის ბიუჯეტების დაგეგმვისას აქცენტირებულ ძირითად მიმართულებებზე.

ამასთანავე, შეხვედრას ესწრებოდნენ რწმუნებულის მოადგილე შალვა ბერძენიშვილი, რეგიონული პროექტების კოორდინირების სამსახურის ხელმძღვანელი მარინა გაჩეჩილაძე, რწმუნებულის აპარატის ხელმძღვანელი გიორგი მიქელაძე და მუნიციპალიტეტების მერების მოადგილეები.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი