პოლონეთი აძლიერებს უსაფრთხოებას ბელორუსის საზღვარზე და აცხადებს, რომ მიგრანტების დიდი ჯგუფი ცდილობდა საზღვრის გადაკვეთას კუჟნიცაში. - ამის შესახებ „euroews”- ავრცელებს.

თავდაცვის მინისტრმა მარიუშ ბლაშჩაკმა განაცხადა, რომ 12 000-ზე მეტი ჯარისკაცი მორიგეობდა ბელორუსის საზღვარზე და რომ ისინი მზად არიან  მისი დასაცავად.

პოლონეთის შინაგან საქმეთა მინისტრმა მარიუშ კამინსკიმ განაცხადა, რომ "საზღვრის მკაცრი  დაცვა" ქვეყნის მთავარი პრიორიტეტია.

„რამდენიმე დღეა ვაკვირდებით სიტუაციას კუზნიცაში და მზად ვართ ნებისმიერი სცენარისთვის, ჩვენ გავზარდეთ მესაზღვრეების, პოლიციელების და ჯარისკაცების რაოდენობა“, - განაცხადა კამინსკიმ

უფლებადამცველი ჯგუფები აკრიტიკებენ ევროკავშირის ქვეყნებს, ბელორუსის საზღვარზე გამკაცრებული წესების გამო. მათი განცხადებით, აღნიშნული შეზღუდვები მიგრანტების სიცოცხლეს უქმნის საფრთხეს.

გაეროს ლტოლვილთა სააგენტომ სთხოვა ბელორუსიასა და პოლონეთს, დაიცვან სამართლებრივი ვალდებულებები და მისცენ თავშესაფრები მიგრანტებს.

ცოტა ხნის წინ ქვეყნის სენატმა დაამტკიცა ბელორუსის საზღვარზე კედლის აშენების გეგმა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს