2021-10-14 12:49:12, 1435 ნახვა
რეგიონი
ბათუმში, კორპუსი, რომლის სადარბაზოც ჩამოინგრა, სრულ დემონტაჟს დაექვემდებარება
ბათუმის მერიაში აცხადებენ, რომ 26 მაისის ქუჩაზე მდებარე კორპუსი, რომლის სადარბაზოც 8 ოქტომბერს ჩამოინგრა, სრულ დემონტაჟს დაექვემდებარება.
ამასთანავე, უწყებაში აღნიშნავენ, რომ კორპუსის მიმდებარედ არსებული შენობებიც ეტაპობრივად შემოწმდება.
შეგახსენებთ, რომ ბათუმში, 26 მაისის ქუჩაზე საცხოვრებელი კორპუსი 8 ოქტომბერს ჩამოინგრა. ნგრევის შედეგად, 9 ადამიანი გარდაიცვალა, მათგან 3 არასრულწლოვანია. აღნიშნულ ფაქტზე შინაგან საქმეთა სამინისტრომ 3 პირი დააკავა.
ავტორი: ექსპრესნიუსი,
epn.ge (@expressnews.ge)
