დღეიდან დანიაში „კოვიდ-19“ აღარ ითვლება საზოგადოებისთვის კრიტიკულად საფრთხის შემცველ დაავადებად. მოქალაქეებს მასობრივ ღონისძიებებზე დასასწრებად ვაქცინაციის საბუთს აღარ მოსთხოვენ.  გაუქმდა პირბადის ტარების ვალდებულებაც.

სექტემბრის დასაწყისში დანიაში ექვსთვიანი პაუზის შემდეგ პირველად გაიხსნა ღამის კლუბები. თუმცა, კლუბში მისასვლელად საჭირო იყო კოვიდპასპორტის წარდგენა. ამიერიდან კი ღამის კლუბების კარი ყველასთვის ღია იქნება.

გარდა ამისა, ბავშვებს, რომლებიც კოვიდინფიცირებულთან კონტაქტში იყვნენ, იზოლაციას აღარ მოსთხოვენ. კარანტინში გადასვლა მხოლოდ ინფიცირებულებს მოუწევთ.

დანიის ხელისუფლებამ კოვიდშეზღუდვები მას შემდეგ გააუქმა, რაც 12 წელს ზემოთ მოქალაქეების 80 პროცენტზე მეტი „კოვიდ-19“-ის საწინააღმდეგო ვაქცინით აიცრა.

ცნობისთვის, დანიაში სამოგზაუროდ წასვლის მსურველებისთვის შეზღუდვები კვლავ ძალაში დარჩა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს