“თალიბანი“ აცხადებს, რომ აშშ, რომელსაც შინაგან საქმეთა ახალი მინისტრის სირაჯუდინ ჰაკანი „შავ სიაში“ ჰყავს შეყვანილი, დოჰას ხელშეკრულებას არღვევს.

„პენტაგონის წარმომადგენლებმა განაცხადეს, რომ ისლამური საამიროს მინისტრთა კაბინეტის ზოგიერთი წევრი ან გარდაცვლილი ჰაკანი საჰიბას ოჯახის წევრები აშშ-ის „შავ სიაში“ არიან შეყვანილი და კვლავ აშშ-ის ხელისუფლების სამიზნეებს წარმოადგენენ. ისლამური საამირო ამას დოჰის ხელშეკრულების აშკარა დარღვევად აფასებს. ეს არც აშშ-ის და არც ავღანეთის ინტერესებშია“, - ნათქვამია „თალიბანის“ განცხადებაში.

„თალიბანი“ განმარტავს, რომ დოჰას ხელშეკრულება საამიროს ყველა წარმომადგენლის აშშ-ისა და გაეროს „შავი სიებიდან“ ამოღებას ითვალისწინებს და ეს მოთხოვნა კვლავ ძალაშია.

„თალიბანის“ ოფიციალურმა წარმომადგენელმა ზაბიჰულა მუჯაჰიდმა ავღანეთის ახალი მთავრობის შემადგენლობა ორი დღის წინ დაასახელა. ქვეყნის პრემიერ-მინისტრის მოვალეობას მულა მოჰამად ჰასან ახუნდი შეასრულებს, რომელიც გაეროს „შავ სიაშია“ შეყვანილი. შინაგან საქმეთა მინისტრის მოვალეობის შესრულებელი კი სირაჯუდინ ჰაკანი იქნება, რომელიც აშშ-ის ფედერალური საგამოძიებო ბიუროს (FBI) მიერაა ძებნილი.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს