თალიბებმა გეი მამაკაცი გააუპატიურეს და სცემეს მას შემდეგ, რაც  ქვეყნიდან გაყვანას დაპირდნენ და მოატყუეს. - ბრიტანული ITV -ს ცნობით, თალიბებმა ის სოციალური ქსელის საშუალებით მოატყუეს და ქვეყნიდან გაქცევის გზა შესთავაზეს. დანიშნულ ადგილას შეხვედრის შემდეგ, ის გააუპატიურეს და სცემეს. 

მედიასაშუალების ცნობით, ჰანიკს (სახელი შეცვლილია) სამი კვირა თალიბანის წარმომადგენელთან მიმოწერა ჰქონდა, მას შემდეგ რაც დარწმუნდა რომ აღნიშნული პირი ავღანეთის დატოვებაში დაეხმარებოდა, მას შეხვდა. 
"ისინი ამბობენ (თალიბები) რომ შეიცვალენ და პარივის ცემენ ქალებს, იცავენ ადამიანის უფლებებს, მაგრამ იტყუებიან. ისინი არ შეცვლილან და მსოფლიოს ატყუებენ" - განუცხადა ჰანიკმა ტელევიზიას.
ავღანელი აქტივისტების თქმით, სექსუალურ და გენდერულ უმცირესობებზე ძალადობის მიზნით, თალიბანი აქტიურად იყენებს სოციალურ პლატფორმებს, ფორუმებსა და ჯგუფებს.

ცრუ პროფილების საშუალებით ისინი პოულობენ სამიზნეებს და შემდეგ ქვეყნიდან გაქცევის პირობით შეხვედრას უნიშნავენ, საიდანაც ნაწილი ცოცხალი ვერც ბრუნდება. 

"თალიბანი სოციალურ მედიას სექსუალური უმცირესობებისთვის ხაფანგების შესაქმნელად იყენებს". – თქვა ავღანელმა აქტივისტმა, ნემატ სადატმა. 

თალიბანის წინა მმართველობის დროს, ჰომოსექსუალ კაცებს სიკვდილით სჯიდნენ. 

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს