ქარიშხალ „იდას“ გამო ნიუ იორკში საგანგებო მდგომარეობა გამოცხადდა. ინფორმაციას სააგენტო „როიტერი“ ავრცელებს.

ქარიშხალმა „იდამ“ ქალაქ ნიუ იორკში ძლიერი წვიმა გამოიწვია, რის გამოც ქალაქის მერმა საგანგებო მდგომარეობის გამოცხადების გადაწყვეტილება მიიღო.

ძლიერი ნალექის გამო მთელი ქალაქის მასშტაბით შეიზღუდა მეტროსადგურის ყველა ხაზის ფუნქციონირება. ქალაქში დაიტბორა ქუჩები, რის გამოც დილის საათებამდე საგზაო მოძრაობა აიკრძალა. ქალაქის ხელისუფლებამ მცხოვრებლებს სახლში დარჩენისკენ მოუწოდა.

ქარიშხალმა „იდამ“ განსაკუთრებით დააზიანა ლუიზიანას, პენსილვანიისა და ნიუ ჯერსის შტატები. ქარიშხლით გამოწვეული წყალდიდობისა და ტორნადოს შედეგად დაზიანებული და დანგრეულია სახლები. განადგურებულია საგზაო ინფრასტრუქტურა. ბოლო ინფორმაციით, ქარიშხლით გამოწვეულ სტიქიურ უბედურებებს 6 ადამიანის სიცოცხლე ემსხვერპლა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს