საბერძნეთი მოსახლეობის იმ ნაწილისთვის, რომელსაც COVID-19-ის საწინააღმდეგო ვაქცინა არ აქვს მიღებული, ახალ რეგულაციებს აწესებს. - ინფორმაციას ბერძნული მედია ავრცელებს.

ჯანდაცვის სამინისტროს გადაწყვეტილებით, კერძო და საჯარო სექტორში დასაქმებული პირები ვალდებულნი არიან წარმოადგინონ უკანასკნელ ექვს თვეში კორონავირუსის გადატანის ან აცრის დამადასტურებელი სერტიფიკატი, წინააღმდეგ შემთხვევაში მათ ყოველკვირეულად მოუწევთ საკუთარი ხარჯებით სწრაფი ტესტის გაკეთება. 

ის პირებმა, რომლებიც დასაქმებულნი არიან საგანმანათლებლო, ტურიზმის, სარესტორნო ან გართობის სექტორში სწრაფი ტესტი კვირაში ორჯერ უნდა ჩაიტარონ. აღნიშნული რეგულაცია ვრცელდება სკოლის მოსწავლეებსა და სტუდენტებზეც. 

აუცრელებს კინოთეატრებში, მუზეუმებში, თეატრებსა და სპორტულ დარბაზებში შესვლა მხოლოდ 48 საათით ადრე ჩატარებული სწრაფი ტესტის საფუძველზე შეეძლებათ. 

გარდა ამისა, ვაქცინაციის დამადასტურებელი სერტიფიკაციას გარეშე, საქალაქთაშორისო ტრანსპორტით მგზავრობისათვის აუცილებელია სწრაფი ტესტზე ნეგატიური პასუხის წარდგენა. 

ჯანდაცვის მინისტრის, ვასილის კილილიასის განმარტებით, რეგულაციების არ არის სადამსჯელო ხასიათის და ის აუცრელი მოსახლეობის შევიწროებას არ ისახავს მიზნად, არამედ მთავრობა ცდილობს, წაახალისოს ვაქცინაციის კამპანია და შეზღუდოს ვირუსის გავრცელება.

ბოლო მონაცემებით, საბერძნეთის მოსახლეობის თითქმის 60% აცრილია COVID-19-ის საწინააღმდეგო ვაქცინის ერთი დოზით მაინც. 

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს