"ქართული ოცნება - დემოკრატიული საქართველოს"  ქუთაისის მერობის კანდიდატის იოსებ ხახალეიშვილისა და საკრებულოს მაჟორიტარობის კანდიდატის მაგდა კოსტავას კახიანოურის ადმინისტრაციულ ერთეულში მცხოვრებ მოსახლეობასთან შეხვედრის ძირითადი საკითხები საქალაქო ტრანსპორტის ტარიფის შენარჩუნება, განახევრებული ტარიფები სოციალურად დაუცველი ოჯახებისთვის, სტუდენტებისთვის, მრავალშვილიანი დედებისა და პედაგოგებისთვის, ინფრასტრუქტურის ხარისხიანი მოწესრიგება იყო.

იოსებ ხახალეიშვილმა ქალაქის მერად მისი არჩევიდან დღემდე ქუთაისში განხორციელებულ და მიმდინარე პროექტებსა და პროგრამებზე გაამახვილა ყურადღება.

მისი თქმით, წელს ქუთაისის ბიუჯეტი უპრეცედენტოდ დიდია და 91 მლნ ლარს შეადგენს, საიდანაც 25 მლნ ლარი ინფრაქტრუქტურის რეაბილიტაციაზე იხარჯება. მან ასევე ისაუბრა არაერთ მნიშვნელოვან პროექტზე, რომლის განხორციელებასაც მერად არჩევის შემთხვევაში გეგმავს.

ამასთან, იოსებ ხახალეიშვილმა გზების რეაბილიტაციის გახანგრძლივების მიზეზები განმარტა, რაც მისივე თქმით, ქუთაისის მოსახლეობას გარკვეული დროით ქალაქის ორ მონაკვეთზე გადაადგილებისას პრობლემას უქმნიდა.
 
"ჩვენ გვქონდა ორი არჩევანი, პირველი -  პირდაპირ გადაგვეგო ახალი საფარი, რაც დროის მოკლე მონაკვეთში დასრულდებოდა და მეორე - ძირეულად შეგვეცვალა მიწისქვეშა კომუნიკაციები. ავირჩიეთ მეორე, უფრო ხანგრძლივად სამუშაო გზა, რადგან პირველ შემთხვევაში, 2 წელიწადში ისევ მოგვიწევდა ახალი საფარის გაკეთება და კიდევ 5-6 მლნ ლარის გადახდა, რაც არ მიმაჩნია, რომ იქნებოდა სწორი გადაწყვეტილება. აღმაშენებლისა და წერეთლის გამზირებს ძალიან დიდხანს არანაირი სარეაბილიტაციო სამუშაოების ჩატარება აღარ დასჭირდება, იმდენად საფუძვლიანად და საგულდაგულოდ გაკეთდა", - განაცხადა იოსებ ხახალეიშვილმა.

ვაქცინაციის პროცესზე საუბრისას ხახალეიშვილმა აღნიშნა, რომ მუნიციპალიტეტმა უფასო ტრანსპორტი გამოყო, რომელიც აცრილ მოქალქეებს სამედიცინო პუნქტებიდან შინ უსაფრთხოდ დააბრუნებს.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს