პოლონეთის კათოლიკურ ეკლესიას პედოფილიის ახალი ბრალდებები ემუქრება, - ამის შესახებ ინფორმაციას „ევრონიუსი“ ავრცელებს.

გამოცემა წერს, რომ გამოქვეყნებული მონაცემების თანახმად, 2018-2020 წლებში პოლონეთის კათოლიკურმა ეკლესიამ 368 ბრალდება მიიღო სასულიერო პირების მიერ სექსუალური ძალადობის შესახებ, კერძოდ, საუბარია ინციდენტებზე, რომლებიც როგორც წლების წინ, ასევე ბოლო პერიოდში მოხდა.

„ევრონიუსი“ წერს, რომ პოლონეთის კათოლიკურმა ეკლესიამ ბრალდებების 39% დაასაბუთა, საჩივართა 10% უარყოფილ იქნა, დარჩენილ საქმეებზე კი, გამოძიება მიმდინარეობს. პოლონეთის კათოლიკური ეკლესიის წინამძღვარმა, მთავარეპისკოპოსმა ვოიცეხ პოლაკმა მსხვერპლს ბოდიში მოუხადა.

„დღეს, როგორც ბავშვთა და ახალგაზრდების დაცვის საეპისკოპოსო კონფერენციის დელეგატი, მივმართავ დაზარალებულებს და ყველას, ვინც აღშფოთებულია ეკლესიაში არსებული ბოროტებით, ვთხოვ პატიებას“, - განაცხადა ეკლესიის წინამძღვარმა.

ცნობისთვის, გასულ წელს, ვატიკანმა ოთხ პოლონლ ეპისკოპოსს არასრულწლოვნებზე სექსუალური ძალადობის საქმის დაფარვის გამო სანქციები დაუწესა, ორი მათგან მღვდელმსახურება შეუჩერეს.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს