დღეს აჭარის მთავრობის სხდომაზე აჭარის განახლებული ბიუჯეტი წარადგინეს. როგორც აჭარის მთავრობის თავმჯდომარემ აღნიშნა, განახლებული ბიუჯეტის ფარგლებში ერთ-ერთი პრიორიტეტი სპორტის განვითარების ხელშეწყობა და პოპულარიზაციაა.

,, სპორტული ინფრასტრუქტურა არის ჩვენი ქვეყნის ერთ-ერთი მნიშვნელოვანი მიმართულება.  ჩვენ, რა თქმა უნდა, არ დავკმაყოფილდებით მხოლოდ ახალი აშენებული სტადიონით. ამ მიმართულებით  17 მილიონ ლარზე მეტია გათვალისწინებული ახალ, კორექტირებულ ბიუჯეტში და ითვალისწინებს სპორტული ობიექტების მშენებლობას ექვსივე მუნიციპალიტეტში" - განაცხადა თორნიკე რიჟვაძემ.

აჭარას არაერთი საერთაშორისო მნიშვნელობის პროექტი შეემატა და ეს ტენდენცია გაგრძელდება. სპორტული ინფრასტრუქტურული პროექტის დაფინანსებისთვის 2021 წლის ბიუჯეტში  17 065 700 ლარია გათვალისწინებული და მოიცავს ჩაქვის ძალოსანთა ბაზის მშენებლობას, შუახევის სტადიონის რეკონსტრუქციას, ღორჯომის სპორტული დარბაზის, ჩაქვის სარაგბო ბაზის, ქობულეთის სპორტული კომპლექსის, ყინულის სასახლის და საცურაო აუზის მშენებლობას.

600 000 ლარით გაიზრდება  სასპორტო კომპლექსის ბიუჯეტი, რომელიც მოხმარდება ახალ, მრავალფუნქციურ სპორტულ კომპლექსში გადასვლას და შესაბამის აღჭურვას.

სპორტის განვითარების ხელშეწყობა და პოპულარიზაციისთვის ბიუჯეტში დამატებით 1 120 000 ლარი გამოიყო  და ბიუჯეტი 4 080 200 ლარს შეადგენს.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს